Plakja e Europës po nxit gjetjet alternative. Mbretëria e Bashkuar ka lançuar një program kërkimor, i cili ka në fokus “krijimin e sistemeve autonome të sigurta dhe të besueshme për përdorim publik”.
Për këtë skemë mbështetëse është parashikuar një investim mbi 43 milionë dollarë në 5 vitet e ardhshme. Ai pritet të sigurojë zhvillimin e “robotëve të kujdesit”. Të sofistikuar deri në detaj, ata pritet të punojnë në mbështetje të të moshuarve.
Çfarë mund të bëjnë robotët. Ato mund të ndihmojnë njerëzit nëse rrëzohen, t’u japin atyre ilaçet, apo ushqimin.
Robotët e kujdesit po lindin si nevojë e një plakje të vazhduar të Mbretërisë së Bashkuar. Të dhënat zyrtare parashikojnë që 1 në 7 persona të jetë mbi 75 vjeç deri në vitin 2040.
Lexo: Njeriu i paralizuar ecën duke përdorur kostumin robotik që kontrollohet nga truri
Programi kërkimor do të kryhet për t’u siguruar që robotët “të mbrohen më mirë nga sulmet kibernetike” dhe njëkohësisht të mundësojë që robotët të mund të demonstrojnë tipare të tilla si respekti, barazia dhe drejtësia.
Ky programi i ri i sistemeve autonome pritet të sjellë përfitime edhe në fusha të tjerë si, transporti dhe shërbimi public.
Aktualisht në mjeksi, po përdoret tashmë teknologjia e zgjuar dhe inovative.
Robotizimi, është një cështje e hershme në Britani. Vitet e kaluara është diskturtuar për praninë e robotëve në një shoqëri që po bëhet gjithnjë e më e vetmuar. Mungesa e komunikimit ul kujtesën dhe kjo rrit edhe shkallën e vdekshmërisë.
