Njeriu i paralizuar ecën duke përdorur kostumin robotik që kontrollohet nga truri

Njeriu i paralizuar ecën duke përdorur kostumin robotik që kontrollohet nga truri


“Një njeri tetraplegjik ka arritur të lëvizë të katër gjymtyrët e tij të paralizuara, duke përdorur një “kostum robotik” të kontrolluar nga truri”, thanë studiuesit. 28-vjeçari nga Lyon i Francës, i njohur si Thibault, u paralizua pasi ra nga një ballkon me lartësi 40 metra dhe pësoi dëmtime të rënda.

Studiuesit nga Universiteti i Grenoble në Francë, qendra kërkimore biomjekësore Clinatec dhe qendra hulumtuese CEA implantuan pajisje regjistrimi në të dyja anët e kokës së Thibault, midis trurit dhe lëkurës.

Ai mund të lëvizte vetëm pak krahun e majtë dhe ishte në gjendje të drejtonte një karrige me rrota. Për dy vite me rradhë, Thibault trajnoi algoritmin për të kuptuar mendimet e tij dhe për të rritur progresivisht lëvizjet që mund të bënte.

Lexo: Realizohen operacione zemre nga distanca me ndihmën e robotëve

Rrjetet e elektrodave grumbulluan sinjalet e trurit të personit në fjalë dhe i transferuan ato në një algoritëm të deshifrimit, i cili përktheu sinjalet në lëvizje dhe urdhëroi një ekzoskelet robotik t’i realizojë ato. Ai praktikoi algoritmin për të kuptuar mendimet e tij duke kontrolluar një avatar, një karakter virtual brenda një video game, duke e bërë atë të ecë dhe prekë objektet 2D dhe 3D.

Ai u stërvit për simulime të thjeshta virtuale përpara se të përdorte ekzoskeleton, i cili ndihmohet nga një parzmore e montuar në tavan dhe e ndihmon atë të ecë dhe të vendosë në funksion këmbët. Fillimisht përshkoi rreth 145 metra apo 476 hapa. Shkencëtarët kanë thënë se ky është vetëm një eksperimet, por me kalimin e kohës kjo metodë do të jetë lehtësuese për jetën e shumë pacientëve.

Lexo:8 punët që robotët nuk do të mund t’i bëjnë kurrë

“Gjetjet tona mund të ndimojnë pacientët tetraplegjikë që vetëm duke përdorur sinjalet e trurit të arrijnë të drejtojnë karrigen me rrota dhe të bëjnë më te lehtë jetën e tetraplegjikëve”, thotë profesori Stephan Chabardes, autor i studimit dhe neurokirurg nga Spitali Universitar Grenoble.

Ekipi po eksperimenton edhe me tre pacientë të tjerë tetraplegjikë, për t’i ndihmuar ata të bëjnë një jetë normale.

CNN

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0