Naftëtarët shqiptarë gjenden sërish në periudhë krize. Bankers Petroleum Albania përmes një njoftimi zyrtar, bën të ditur se është informuar nga media për protestat e punonjësve të kompanisë “Tosk Energji”, që punojnë në rafinerinë Ballsh.
Përfaqësuesit e kompanisë kanë deklaruar për mediat se rafineria është mbyllur si rezultat i mos-furnizimit me naftë të papërpunuar nga Bankers Petroleum Albania.
Bankers nga ana e saj thekson se, Tosk Energji nuk ka përmbushur detyrimet ndaj Bankers. “Punonjësit janë duke u përdorur nga “Tosk Energji” që në fakt nuk ka arritur të përmbushë termat dhe kushtet e Kontratës së Shitjes së Naftës Bruto për 2019″.
Bankers dhe “Tosk Energji” kanë rënë dakord për Programin e Dorëzimit të naftës bruto në bazë ditore për Shtator 2019 dhe vëllimet e dorëzimit për Tetor-Dhjetor 2019, që në 27 Gusht. Në këtë ditë, “Tosk Energji” ekzekutoi Amendimin 4 të kontratës për ngarkesat e naftës bruto gjatë Shtator-Dhjetor 2019″.
Lexo: Privatizimi më i madh në historinë e njerëzimit duket në horizont
Gjatë ditëve të fundit të gushtit, Bankers kërkoi nga Tosk Energji që të siguronte parapagesat, apo pagesat e pjesshme. Gjatë fundit të muajit gushtit dhe fillimit të shtatorit, Bankers i është drejtuar kompanisë Tosk me disa e-mail zyrtarë duke kërkuar prej tyre kryerjen e parapagimit për volumet e planifikuara për muajin Shtator.
Mungesa e pagesave, ka bërë që Bankers t’i drejtohet disa herë kompanisë Tosk Energji, e cila nuk pagoi, nuk tërhoqi sasitë dhe nuk iu përgjigj Bankers. Sipas Bankers, është ndërprerë edhe komunikimi. Tosk Energji ka shkelur disa hërë kontratat e shitjeve të naftës bruto duke e vendosur Bankers në situata të vështira për lëvizjen, shpërndarjen e naftës së prodhuar dhe shumë herë duke shkaktuar kosto shtesë të konsiderueshme. Ata kanë treguar se nuk ka vullnet të mirë për të bashkëpunuar dhe nuk e ka informuar Bankers për ndonjë mbyllje të rafinerisë Ballsh për çështje teknike të papritura ose për ndonjë arsye tjetër.
Ndaj, zyrtarët e Bankers thonë se vendosën të shesin sasinë e naftës jashtë vendit.
Lexo: Rikthehet kriza në Armo. Naftëtarët në këmbë drejt Tiranës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English