Rexhep Qosja ka triumfuar mes 10 titujve publicistikë e estetikë këtë edicion të katërt të ndarjes së çmimeve “Lumo Skëndo”, organizuar nga Qendra Kombëtare e Librit dhe Leximit. Libri i tij “Për lirinë, të vërtetën dhe të drejtën” është vlerësuar si vepra më e mirë në lëmin e publicistikës dhe eseistikës. Juria e kryesuar nga Belina Budini dhe me anëtarë Uran Butka, Anastas Angjeli, Rudina Xhunga, Aida Tuci e vlerësuan veprën publicistike të Rexhep Qosjes me motivacionin: “përmes analizave të tij të mprehta dhe studimeve të thelluara mbi gjuhën shqipe, akademiku Rexhep Qosja ka dhënë një kontribut të çmuar në zhvillimin e mendimit kritik dhe në forcimin e vetëdijes kombëtare”.
Akademiku Qosja për arsye shëndetësore nuk mundi të ishte sot në Tiranë, por ka reaguar me një videomesazh për këtë vlerësim të veprës së tij, duke e vënë theksin në përkujdesjen ndaj kujtesës kombëtare.
Çmimi “Lumo Skendo” i cili këtë vit shënoi edicionin e tij të katërt, vlerëson veprat më të mira shqipe në eseistikë, monografi, publicistikë dhe ato studimore.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
