Nuk ka rëndësi se sa eksperiencë apo i suksesshëm mund të jesh, ne gjithmonë mund të mësojmë nga të tjerët. Ndërsa të mësuarit nga gabimet tona është i rëndësishëm, nuk ka rrugë më efiçente se sa mësimi nga gabimi i të tjerëve. Të ecësh vetëm në këtë botë kaq të madhe nuk është zgjedhja më e mirë.
Kështu mendon themeluesi i Verbalizeit Ryan Frankel. Verbalizeit është një platformë online përkthimi për bizneset. Gjatë eksperiencës së tij si sipërmarrës , Ryan ka përfituar shumë nga këshillat dhe udhëzimet që ka marrë nga komuniteti StartUp. Takimet me sipërmarrës të tjerë e kanë ndihmuar që të zgjerojë biznesin e tij dhe të shmangë shumë gabime që mund t’i kishte bërë gjatë rrugës.
Një komunitet StartUp ka madhësi dhe forma të ndryshme. Ai përbëhet zakonisht nga sipërmarrës të rinj dhe me eksperiencë, investitorë, mentorë, inkubatorë, akseleratorë dhe institucione akademike. Secili prej këtyre elementëve bashkëpunon dhe krijon marrdhënie me njëri- tjetrin.
Një sipërmarrës i ri mund të takojë investitorë për të vënë në jetë idenë e tij. Ai gjithashtu mund të konsultohet me mentorë dhe të shmangë gabime fillestare. Brënda komunitetit mund të gjesh partnerë të rinj dhe pse jo të zgjerosh skuadrën tënde të punës.Ky ambjent mund të shërbejë dhe për të grumbulluar fonde dhe të marketosh kompaninë tënde.
Një komunitet i mirëorganizuar StartUp ndihmon në zhvillimin e qëndrueshëm dhe e drejton ekonominë e një vendi në një të ardhme të ndritur.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English