“Nëse ne shfaqim emocione, quhemi dramatike. Nëse duam të konkurojmë kundër meshkujve, ne jemi të çmendura. Dhe nëse ëndërrojmë për mundësi të barabarta, delirante,” Fjalët që lexoni janë pjesë e reklamës së re nga Nike, të quajtur “Ëndërro Çmendurinë.”
Video frymëzuese, e cila debutoi këtë të dielë në Oscars me zërin e Serena Williams, tregon standardet e dyfishta me bazë gjinore dhe shprehjet që përdoren për të demotivuar femrat që duan të arrijnë madhështinë.
“Kur ngremë zërin për diçka, me probleme. Kur jemi shumë të mira ka diçka që nuk shkon me ne. Dhe nëse tensionohemi, quhemi histerike, iracionale apo thjeshtë: të çmendura,” vazhdon Williams, ndërkohë që në video shfaqen pamje të grave të guximshme në sporte të ndryshme.
Më parë për njerëzit ishte çmenduri që një grua të garonte në një maratonë, boks, të drejtonte një ekip NBA, të konkuronte e veshur me ferexhe, të bënte një fëmijë dhe më pas të rikthehej për më shumë.” Por e dini çfarë? Sipas Nike, quhet çmenduri deri në momentin që vendos ta bësh.
https://www.youtube.com/watch?v=whpJ19RJ4JY
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
