Dhoma Ekonomike e Gruas do të organizojë një tryezë të rrumbullakët me temë: Gratë në sipërmarrje dhe Pronësia Industriale.
Gratë sipërmarrëse, të interesuar për të mbrojtur me ligj, sipërmarrjet, nismat dhe produktet e tyre, janë të ftuara të regjistrohen, duke kontaktuar numrin e mëposhtëm.
Aktiviteti zhvillohet këtë të enjte, 25 Prill 2024, ora 10.30, në ambientet e Dhomës Kombëtare të Zejtarisë.
Në prag të Ditës Botërore të Pronësisë Intelektuale – 26 prill, Dhoma ka ftuar në panelin folës Znj. Rovena Ibrahimaj, Drejtore e Drejtorisë së Përgjithshme të Pronësisë Industriale.
Pjesë e panelit do të jenë dhe dy anëtaret e bordit drejtues DHEG: Znj. Antoneta Ndreka dhe Znj. Alida Kondi, të cilat do të fokusohen tek rëndësia e organizimit të bizneseve që drejtohen nga gratë dhe mundësitë për marrjen e shërbimeve për biznesin, që do të ofrohen nga projektet e EEN dhe Erasmus+.
Takimi ka për qëllim informimin dhe ndërgjegjësimin e zonjave sipërmarrëse, në fushën e të drejtave të pronësisë industriale, mbrojtja e të cilave është një aset shumë i rëndësishëm në rrugëtimin e tyre të të bërit biznes.
Ju mund të konfirmoni pjesëmarrjen deri ditën e mërkurë në numrin: 0672062266
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
