Redaktimet në Wikipedia kanë ndikim pozitiv në turizëm, 100,000 £ fitime - Business Magazine Albania

Redaktimet në Wikipedia kanë ndikim pozitiv në turizëm, 100,000 £ fitime

Një eksperiment nga ekonomistët në Collegio Carlo Alberto në Torino, Itali dhe ZEW në Mannheim, Gjermani, zbuloi se disa ndryshime të thjeshta në një faqe në Wikipedia mund të çojnë në një shtesë prej 100,000 £ në vit të ardhura nga turizmi për një qytet të vogël, për shkak të fuqisë së enciklopedisë falas në internet.

Studiuesit zgjodhën rastësisht qytete në të gjithë Spanjën për të përmisuar faqet e tyre në Wikipedia, duke shtuar disa paragrafë me informacion mbi historinë e tyre dhe atraksionet lokale, si dhe foto me cilësi të lartë të zonës. Nuk duhej ndonjë ekspert pasi shumica e përmbajtjes së shtuar u përkthye thjesht në Wikipedia nga Spanjisht në frëngjisht, gjermanisht, italisht ose holandisht.

Kjo lloj mënyrë kishte një efekt të menjëhershëm dhe të jashtëzakonshëm, pasi shtimi i vetëm dy paragrafëve të tekstit dhe një foto e vetme në artikull rriti numrin e turistëve dhe rezervimet në qytet u rritën me 9% gjatë sezonit turistik. Në disa raste, rritja ishte edhe më e madhe. Pra një ndryshim i vogël mund të shtojë vizitat me një të tretën.

“Nëse e shtrijmë këtë në të gjithë industrinë e turizmit, ndikimi është i madh”, shkruajnë autorët, Marit Hinnosaar, Toomas Hinnosaar, Michael Kummer dhe Olga Slivko. ” Ndikimi i tij mund të jetë në miliarda euro ”

Në fakt efekti është aq i madh saqë është ngritur pyetja pse qytetet nëpër botë nuk e bëjnë vetë këtë redaktim themelor, thonë autorët. Wikipedia është shkruar kryesisht dhe redaktuar nga vullnetarët, por rritja e sasisë së informacionit të disponueshëm për tema të caktuara mund të korrë një sukses të madh në krahasim me kohën e kaluar.

Por struktura e Wikipedia dha një përgjigje për pyetjen: Pothuajse të gjitha shtesat në versionin Holandez të faqes u hoqën brenda 24 orësh, duke i detyruar studiuesit të kufizonin ekzaminimin e tyre të efekteve në tre gjuhët e tjera.

Një redaktor i vjetër në faqen Holandeze kishte vërejtur eksperimentin në progres dhe vazhdoi të ndalonte të gjitha përditësimet e ardhshme nga ekipi. Redaktimi komercial nuk lejohet dhe kërkimi u gjykua se kapërceu kufirin.

Fuqia e Wikipedia mund të përdoret si për keq, ashtu edhe për mirë. Në gusht, u zbulua se një adoleshent amerikan i cili kishte filluar të redaktonte faqen e internetit si një hobi kur ishte 12 vjeç ishte bërë një nga redaktorët kryesorë në versionin skocez të faqes, pavarësisht se në të vërtetë nuk ishte në gjendje ta fliste atë gjuhë.

Ai kishte shkruar artikuj të shumtë duke zëvendësuar fjalët angleze të përkthyera në gjuhë të tjera pavarësisht se gjuha kishte gabime gramatikore. “Ky person ndoshta ka bërë më shumë dëm në gjuhën skoceze se kushdo tjetër në histori,” vuri në dukje përdoruesi i cili fillimisht evidentoi problemin. Ky është një vandalizëm kulturor.”

The Guardian

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0