Për shembull, është më mirë të shpenzoni në diçka që lidhet me sigurimin e jetës, banesës apo shëndetit sesa të shpenzoni për diçka që mund të jetë thjesht për kënaqësi.
6 raste kur është më mirë të shpenzoni sesa të kurseni:
- Për të qenë të shëndetshëm
Është mirë që ju të investoni për shëndetin tuaj, sesa për gjëra luksi dhe kënaqësie. Në këtë rast po flasim për ushqyerjen e shëndetshme. Ju duhet të shpenzoni mjaftueshëm para, që të ushqeheni me ushqime cilësore dhe nuk duhet të ndjeheni fajtorë për shpenzimin e parave, kur shëndeti juaj mendor dhe fizik është në rregull.
- Për sigurimin e jetës dhe shëndetit
Sigurimi i jetës dhe shëndetit janë domosdoshmëri. Në vend që të shpenzojmë për diçka që mund të jetë argëtuese, është më mirë që të derdhim disa para, për të siguruar veten tonë ndaj një sëmundje, dëmtimi apo aksidenti. Këto janë gjëra që ndoshta mund të kushtojnë, por janë jetike dhe shumë të rëndësishme.
- Për të blerë gjëra që ju sjellin gëzim ose ju kursejnë kohë
Pasi të keni kryer të gjitha shërbimet e lartpërmendura, është mirë të shpenzoni para për përvojat, shërbimet dhe produktet që ju sjellin gëzim ose e bëjnë jetën tuaj më të lehtë. Heqja dorë nga vetja nuk është e qëndrueshme dhe rrallë çon në sukses. Prandaj praktikoni këto gjëra me qëllim që edhe ju të ndiheni paksa më mirë.
Lexo: Shqiptarët rrisin shpenzimet për kulturën
- Për të blerë atë për të cilën keni kursyer
Nëse keni kursyer për një pagesë të rëndësishme në lidhje me shtëpinë, për disa pushime që keni dëshiruar prej kohësh, apo për të blerë një makinë të re, atëherë investoni dhe shijoini këto gjëra. Është shumë mirë kur paratë shpenzohen për një shpenzim që e keni dashur prej kohësh.
5.Për të marrë ndihmë profesionale
Hulumtimet kanë treguar se njerëzit që punojnë me këshilltarët financiar kanë më shumë të ngjarë të raportojnë lumturinë, besimin dhe stabilitetin në jetën e tyre financiare dhe personale. Një planifikues i mirë financiar mund t’ju ndihmojë të identifikoni qëllimet tuaja më të rëndësishme dhe të bëni një plan për t’i arritur ato.
- Të përdorni produkte cilësore që kanë rëndësi për ju
Ju mund të mos mendoni për një dyshek cilësor, një palë këpucë, bagazhe ose produkte të kujdesit për lëkurën si një investim, por kur diçka ka potencial për të përmirësuar fusha të tjera të jetës tuaj, shpesh ia vlen të shpenzoni.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
