Viti 2017 për Samsung ishte një vit goxha i mirë. Kompania prezantoi Galaxy S8, Galaxy S8 Plus dhe Galaxy Note 8, të cilët janë disa nga smartphone më të mirë në treg. Ata mundën të ringrihen pas një viti 2016 të vështirë. Ata kthyen mbrapsht gjithë Galaxy Note 7 për problemin e saj të njohur të marrjes flakë. Kjo gjithashtu bëri që të vihej në dyshim e ardhmja e gamës së Galaxy.
Lexoni: Android 8.0 Oreo për Samsung Galaxy Note 8 tashmë i publikuar
Por megjithatë, mendohet se market-share i Samsung do të bjerë vitin e ardhshëm. Aktualisht, Samsung zotëron 20.5% pjesë tregu. Sipas një raporti të Strategy Analytics, kjo shifër do të bjerë në 19.2% në vitin 2018. Kjo shifër pëkthehet në 315 njësi në të gjithë botën.
Por nga do të shkaktohet kjo rënie? Përgjigjia gjendet në Kinë. Kompanitë kineze si Xiaomi, Huawei dhe OPPO vazhdojnë të rriten. Smartphone që këto kompani prodhojnë kanë një kosto shumë më të ulët nga ajo e produkteve flagship të Samsung. Nga ana tjetër, cilësia e ndërtimit dhe eksperienca me to, është e njëjtë me ato të Samsung.
Por, kompania pritet të goditet jo vetëm në produktet premium, por edhe ato të klasit të mesëm. Smartphone-ët e mirë, janë duke kushtuar pak e më pak, sa më shumë koha kalon, së bashku me çmimet e komponentëve. Kjo i lejon kompanitë që të prodhojnë aparate me kosto të ulët, që ofrojnë një eksperiencë goxha të ngjashme me ato premium.
Kjo është hera e parë që Samsung mund të raportojë rënie të tilla, që pas vitit 2016. Por, edhe sikur kjo të ndodhë, përsëri ajo do të jetë goxha përpara konkurrentëve. Aktualisht ajo ndiqet nga Apple me 14.3%, Huawei me 10% dhe OPPO me 7.8%.
Burimi: Android Authority
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
