Kryeministri Edi Rama ka prezantuar ditën e sotme asistentin virtual në e-Albania që e ka pagëzuar me emrin “Shërbëtori Publik i Inteligjencës Artificiale”, që do të ndërveprojë me çdo qytetar në e-Albania.
Nga sot platforma digjitale e shërbimeve qeveritare e-Albania tashmë ka një asistent virtual përmes inteligjencës artificiale për të qenë në shërbim të qytetarëve që kërkojnë shërbime. Në ceremoninë e prezantimit të asistentit virtual 1.0 ishte dhe Kryeministri Edi Rama dhe nga drejtoresha e AKSHIT, Mirlinda Karçanaj.
Lexo edhe:Elon Musk shpreh dëshirën të vizitojë Shqipërinë
Asistenti virtual do të jetë në shërbim të qytetarëve me shkrim 24 orë ndërsa Rama garantoi se brenda vitit 2024, asistenti virtual do të kalojë në nivelin 2.0 dhe do të jetë me zë e figurë.
“Nuk do të jetë e largët dita, ne besojmë brenda vitit që po hyn kur qytetari do kërkojë shërbimin dhe të gjithë proceset që sot i bën vetë qytetari me ndihmën e këtij shërbëtori publik personal t’i bëjë vetë shërbëtori dhe qytetari të marrë dokumentin përkatës pa asnjë ndërveprim fizik nga ana e tij”.
“Ta shtrijmë edhe në platformën e Bashkëqeverisjes, ashtu sikundër dua ta nënvizoj që asistenti që sot hyn në marrëdhënien me qytetarët përmed ndërveprimet me shkrim, po përgatitet që pas një periudhe njohjeje me ta, të hyjë në ndërveprim edhe me zë dhe me figurë dhe madje të mos jetë më thjesht ndihmësi që i drejton ata në aplikim, por ai që e merr shërbimin për ta”, shtoi Rama.
Në fund, Rama u shpreh se “Ky është një shembull kuptimplotë i një epoke të re që ka përfshirë të gjithë botën dhe në të cilën ne duam të bëjmë gjithçka për të shfrytëzuar potencialin e jashtëzakonshëm të inteligjencës artificiale.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
