Në një takim me sipërmarrës të biznesit të vogël, kryeministri Edir Rama ka paralajmëruar se poragu ndarës mes biynesit të vogël e të madh do të kalojë nga 8 milionë lekë xhiro në vit aktualisht në 10 milionë lekë. Sipas tij, kjo do të bëhet për të ulur presionin për të qëndruar nën një tavan, brenda të cilit taksa e biznesit është 5%, ndërsa mbi 8 mln lekë xhiro është 15%.
Kryeministri ishte para panelit të sipërmarrësve që kanë hyrë në TVSH-pasi kalojnë xhiron 2 miln lekë në vit (duke u futur në shkallën e mesme të taksueshme të xhiros 2-8 milionë lekë).
Sipërmarrësve të vegjël u uroi suksese në protestat dhe mbylljen e qepenave të bizneseve të tyre, i bindur se ata, por edhe bizneset që deklarojnë 8 milionë lekë xhiro në vit, gënjejnë, duke kryer shmnagie dhe evazion fiskal. Ai tha se kalimi në një kufi, “nga 5 për qind, në 15 për qind, bën që shumë prej jush të gënjejnë me bilancet dhe për të mbajtur kokën nën tavan. Jetojni nën stresin e vazhdueshëm të hartimit të bilanceve të rreme. Këtë çështje ne mendojmë se ka ardhur koha ta adresojmë në mënyrë që asnjë biznes i vogël të mos gënjejë. Tavani do të rritet mbi 100 milionë”.(të vjetra)
Përfshirja në skemën e TVSH-së e bizneseve me xhiro mbi 2 mln lekë në vit, nuk do të rrisë çmimet. Kjo është deklarata e përsëritur disa herë tashmë nga Kryeministri Rama dhe Ministri I financave Ahmetaj.
Sipas Arben Ahmetajt, synimi është kontrolli i zinxhirit me fokus biznesin e madh dhe biznesi i vogël nuk do të rëndohet as në kostot e mbajtjes së llogarive. Ai tha se, “do të jetë një deklaratë shumë e thjeshtë me 4 ose 6 kuti të thjeshta që nuk ju kërkon të keni kontabilist, as të keni llogari të detajuara dhe ato do i mbani për vete dhe do ju bëjë të mundur të keni një deklarim të thjeshtuar që tju pozicionojë në zinxhirin e transaksionit”.
Rama në takim me biznesin e vogël:
Erdha këtu dhe për të diskutuar lidhur me gënjeshtrat dhe si të dalim nga bota e gënjeshtrave, duke ndihmuar biznesin e vogël të relaksohet lidhur me tavanin. Unë po ju them pak fjalë. E para, dëgjova që janë rritur taksat. Më thuaj një që është rritur?! Më thuaj çfarë takse u rrit për biznesin e vogël?!
E vërteta është që taksat janë ulur dhe këtu flas për taksat kombëtare, tarifat e bashkive duhet t’i diskutojmë më vete. Nëse doni të bëni takim me kryetarët e bashkive unë jam i gatshëm të vij dhe t’ju them atyre çfarë mendoj. Ama qeveria që unë drejtorja ka ulur taksat.
Taksa e biznesit të vogël u bë zero deri në 5 milionë dhe u bë 5 për qind deri në 8 milionë. Sot kemi shumë më tepër biznese të vogla seç kishim para 4 vite e gjysmë. Janë mbyllur biznese por edhe janë hapur se ky është proces kudo në botë. Llogaria është e thjeshtë. Sot kemi më shumë biznese dhe kemi më shumë konsum. Nuk ka rënë fuqia blerëse.
Problemi i biznesit të vogël nuk është përfshirja në skemën e TVSH-së, por tavani aktual i vendosur prej 8 milionë lekë.
Ajo çka unë kam nxjerrë si përfundim nga takimet me përfaqësuesit e biznesit është se problemi juaji nuk është TVSH. Problemi juaj është tavani 8 milionë, sepse duke e kapërcyer këtë tavan pastaj subjekti është i detyruar të paguajë një taksë më të lartë. Kjo bën që shumë prej jush gënjejnë. Gënjejnë me bilancet dhe për të mbajtur kokën nën tavan, ndërkohë që xhiron e kanë më të lartë se 8 milionë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
