Cilësohet si qytet i ri pas përmbytjes së qytetit të vjetër me ngritjen e Hidrocentralit të Fierzës. Por, Kukësi po zbulon së fundi, edhe një qytet të tërë të nëndheshëm, me gjasa ndërtuar që gjatë ngritjes së qytetit të ri. Edhe pse nuk të japin idenë se kanë funksion, shkallët poshtë një lokali të çojnë në qytetin e nëndheshëm. këto shkallë i përkasin një prej pesë hyrjeve më të rëndësishme të qytetit nëntokësor.
Përfaqësuesit e Bashkisë së Kukësit tregojnë se qyteti i nëndheshëm është një prej vendstrehimeve më të mëdha në rajon dhe është i fortifikuar deri në atë pikë sa t’u bëjë ballë shpërthimeve atomike.
Kukësi i nëndheshëm është deri në 30 metra nën tokë. Shkallët në zbritje, kryqëzime e tunele që i ngjajnë një labirinti. Për të ndërtuar këtë qytet u deshën gati 20 vite, mijëra punëtorë e miliarda lekë. Mes objekteve të parashikuara është një spital që parashikohej të kishte një kapacitet prej 300 veta, një punishte e madhe e prodhimit të bukës, shtypshkronjë, zyra për administratë dhe hapësirë, bazë për organizimin e mbledhje.
Lexo: Ky është qyteti më i vizituar në botë për vitin 2018
Vendstrehimet e ndërtuara gjatë luftës, nëse sot nuk kanë vlerë për sigurinë kombëtare dhe me gjasa nuk do të ketë nevojë të ndodhë ndonjëherë, mund të vlejnë si atraksion turistik. Për shkak të vendstrehimeve të shumta të ndërtuara gjatë Luftës së Ftohtë, vendi ynë është renditur nga mediat ndërkombëtare krahas SHBA dhe Zvicrës, si vendi me sigurinë më të madhe për sulmet bërthamore dhe atomike.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
