Qeveria prezanton paketën e dytë të mbështetjes. Paga minimale rritet në 34 mijë lekë

Qeveria shqiptare ka prezantuar paketën e rezistencës si kundërpërgjigje ndaj krizës ekonomike. Kryeministri Edi Rama, zv.kryeministrja Belinda Balluku dhe ministrja e Financave parashtruan vendimet e qeverisë për një paketë të dytë antikrizë.

Paketa është afatmesme dhe ka parasysh natyrën e paparashikueshme të krizës, sipas kryeministrit:

Ja disa nga vendimet e komunikuara këtë të enjte nga kryeministri Rama:

Pensionet, riindeksohen për herë të dytë këtë vit, pas indeksimit në muajin prill. Indeksimi aktual është vendosur 6%, për të shkuar në 9.5% si indeksim tërësor këtë vit.

Kryeministri tha, “ kjo do të ndodhë edhe për personat me aftësi të kufizuar. Bëjmë ndërhyrje me indeksim 7.5% për të gjithë personat me aftësi të kufizuar. Do të rrisim me 10% ndihmën ekonomike dhe do ta dyfishojmë ndihmën ekonomike për gratë kryefamiljare me 2 fëmijë. Të gjitha gratë që janë në kushtet e papunësisë, do të marrin një ndihmë ekonomike të dyfishuar”.

Vijohet me programin e rritjes së pagave për sektorët prioritarë me buxhetin dhe afatin e vitit të ardhshëm. “Pasi kemi rritur pagat për infermierët, ushtaraktët, mësuesit dhe mjekët, do vazhdojmë të rrisim pagat për administratën, po ashtu edhe për policinë e shteti dhe burgjeve, kategori këto që kishën kohë që nuk merrrnin rritje”.

Lexo: FMB dhe BB: nevojitet koordinim mes politikës fiskale dhe monetare për të frenuar pasojat e luftës në Ukrainë

Edhe për pagën minimale ka një rritje të dytë këtë vit që shkon në 34 mijë lekë, nga 32 mijë lekë që u vendos në gjysmën e parë të vitit.

Mbeten në fuqi ndërkohë edhe tre pikat e paketës së mëparshme:  mbështetja e naftës për fermerët, për peshkatarët dhe mbështetja për të mos rritur biletën e transportit publik.

Rama theksoi se çmimi i energjisë nuk do të preket, një vendim politik ky sipas tij. “Duhet t’i mbrojmë konsumatorët familjarë dhe bizneset e vogla nga rritja e çmimit të energjisë”, theksoi Rama.