Vënia në “shina” e tregut të punës, i cili shfaq një hendek shqetësues midis kërkesës dhe ofertës si dhe papunësi të lartë më së shumti në radhët e të rinjve, do të ketë një kosto të konsiderueshme për buxhetin e shtetit.
Qeveria shqiptare planifikon të investojë 76.7 miliardë lekë apo rreth 658 milionë euro në 8 vitet a ardhshme me qëllim rritjen e punësimit dhe cilësisë në treg. E thënë ndryshe, mestarisht në një vit do të shpenzohen për 75.6 milionë euro.
Por si do të përdoren këto fonde? Referuar “Strategjisë për aftësi dhe punësim 2023-2030”, fondet ndahen në dy programe, ku afro 295 milionë euro do të shkojnë për politikën nr.1 që përfshin reduktimin e mospërputhjes së aftësive dhe rritjen e nivelit të saj për të gjithë popullsinë në moshë pune dhe për të gjitha profesionet; Rritjen e nivelit të aftësive të grave dhe burrave në moshë pune dhe për funksionimin më të mirë të tregut të punës për të gjithë.
Lexo edhe: Qeveria garanton fond për mbështetjen e të rinjve për trajnimet profesionale
Ndërsa 363 milionë euro do të shkojnë për zbatimin e politikës së dytë, që lidhet kryesisht me ndërmjetësim me gjithëpërfshires i punësimit dhe sigurimi i punës së denjë për të gjithë dhe kudo.
Referuar dokumentit, pavarësisht përpjekjeve të bëra deri më tani për reformim dhe përmirësim të shërbimeve, ndërmjetësimi në tregun e punës mbetet i ulët. Për më tepër, një ndër sfidat kryesore të shërbimeve publike të punësimit mbetet integrimi në tregun e punës i punëkërkuesve të papunë nga grupet e veçanta.
Më shpesh, këto grupe janë të rinjtë në tregun e punës jo në arsim apo punësim të cilët zënë 19%; punëkërkuesit afatgjatë në masën 50%, ata mbi 45 vjeç, që zënë 47 %, apo ata të cilët kanë dizavantazhe të tjera sociale gjë që e bën të domosdoshme rritjen e cilësisë dhe efektivitetit të shërbimeve të ofruara nga Agjencia Kombëtare për Aftësi dhe Punësim.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English