Pylli i Amazonës po digjet me shpejtësi rekord sipas qendrës braziliane të kërkimeve


Zjarret po përhapen me shpetësi rekord në pyjet e Amazonës në Brazil dhe shkencëtarët paralajmërojnë se kjo mund të jetë një goditje shkatërruese në luftën kundër ndryshimeve klimatike.

Zjarret po shtohen me shpejtësinë më të madhe që kur Qendra e Kërkimeve Hapsinore të Vendit INPE filloi t’i monitoronte ato në vitin 2013.

Sipas kësaj qendre, këtë vit ka patur 72,843 zjarre në Brazil, më shumë se gjysma e tyre në rajonin e Amazonës. Ato janë 80% më shumë se e njëjta periudhë e vitit të kaluar.

Amazona cilësohet si mushkëritë e planetit, pasi prodhon 20% të oksigjenit të gjithë atmosferës së tokës. Cilësohet jetike për uljen e ngrohjes globale dhe është shtëpi për speciet e panumërta të faunës dhe florës. Gati sa gjysma e madhësisë së Shteteve të Bashkuara, ai është pylli më i madh në planet.

Imazhet dhe videot dramatike në mediat sociale tregojnë re gjigande tymi që ngrihen nga gjelbërimi dhe kufiri i zjarrit lë mbeturina të zeza në prag të tyre.

Tymi ka arritur deri në San Paolo, më shumë se 1.700 milje larg. Pamjet nga qyteti tregojnë qiellin e zi në pasdite dhe diellin e mbuluar nga tymi dhe hiri.

Programi satelitor i Bashkimit Europian, Copernikus, siguroi një hartë që tregon tymin nga zjarret që përhapet në të gjithë Brazilin në brigjet lindore të Atlantikut. Tymi ka mbuluar gati gjysmën e vendit dhe madje po përhapet në Peru, Bolivi dhe Paraguai.

Lumi Amazon shtrihet në disa prej këtyre vendeve të Amerikës së Jugut, por shumica – më shumë se dy të tretat e pyjeve të Amazon ndodhen në Brazil.

Lexo: Greta Thunberg u kërkon deputetëve francezë të ‘dëgjojnë shkencëtarët’ dhe të veprojnë për të ulur ngrohjen globale

Sipas INPE, çdo minutë po digjet sipërfaqë gati sa dy fusha futbolli.

Njerëzit në të gjithë botën po ndajnë tmerrin e tyre në mediat sociale. Aktivistët ndërkohë fajësojnë presidentin e Brazilit Jair Bolsonaro, për rrezikun e pyllit të jetës. Ata e akuzojnë për zbutjen e kontrolleve mjedisore në vend dhe inkurajimin e shpyllëzimit.

Politikat mjedisore të Bolsonaro kanë qenë të diskutueshme që në fillim. Ish kapiten i ushtrisë, ai premtoi gjatë fushatës politike të rimëkëmbë ekonominë duke eksploruar potencialin ekonomik të Amazon.

Vetëm disa javë më parë, drejtori i INPE u pushua nga puna pas një përplasjeje me presidentin. Drejtori kishte prezantuar të dhënat satelitore që treguan se shpyllëzimi ishte 88% më i lartë në qershor sesa një vit më parë dhe Bolsonaro i quajti gjetjet “gënjeshtra”.

Lexo: Bizneset mund të ndihmojnë në shpëtimin e oqeanit

CNN

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale