Bizneset mund të ndihmojnë në shpëtimin e oqeanit


Për shumë njerëz, oqeanet duken shumë të mëdha dhe shumë të fuqishme për të dështuar. Por e njëjta gjë thuhej një herë për anijen më të famshme të historisë Titanik. Është në dorën e qeverive, individëve dhe më e rëndësishmja e bizneseve, për të mbrojtur oqeanet para se të jetë tepër vonë.

Përafërsisht gjysma e oksigjenit në botë, prodhohet nga oqeani. Ekosistemi më i madh në planet, ofron ushqim për më shumë se një miliard njerëz. Megjithatë, hulumtimet nga shkencëtarët kryesorë dhe vlerësimet e OKB-së, theksojnë ritmin në të cilin dështojnë ekosistemet e oqeanit. Popullsia detare me kafshë të egra po pakësohet dhe speciet po zhduken.

Në më pak se 40 vjet, popullsia globale e kafshëve të egra ka rënë me 60%. Kjo humbje nuk është vetëm ekologjikisht, shoqërisht dhe ekonomikisht e papërshtatshme, është moralisht e paqëndrueshme. Ka shumë për të bërë dhe pak kohë për të humbur.

Së pari, duhet të dëgjojmë zërat e të rinjve në mbarë botën që na nxisin të bëjmë më shumë për të ngadalësuar ndryshimet klimatike dhe për të mbrojtur planetin. Ne duhet të sigurojmë që qeveritë të qëndrojnë në linjë ose të shkojnë më efektive  për të kufizuar ngrohjen globale, sipas Marrëveshjes së Parisit. Por, fati i planetit nuk mund të jetë përgjegjësi vetëm e qeverive kombëtare. Duhet bashkëpunim mes shumë shteteve dhe individëve për të ulur nivelin e dioksidit të karbonit. Me 7 miliardë njerëz në planet, veprimet e vogla mund të sigurojnë një të ardhme më të mirë të klimës për planetin tonë.

Së dyti, ne kemi nevojë për hapësira më të sigurta për biodiversitetin në oqeanet tona. Vetëm rreth 2% e oqeaneve janë të mbrojtura siç duhet. Disa nga shkencëtarët më të mirë, sugjerojnë që për të bërë një ndryshim, duhet të mbrojmë 30% deri në 50% të oqeaneve tona. Mbrojtja mund të nisë nga restaurimi i pyjeve bregdetare, të cilat thithin dioksidin e karbonit, frenojnë ngrohjen globale, nxisin rindërtimin e popullimit të peshkut, nxisin mbrojtjen e epiqendrave të biodiversitetit dhe ruajtjen e ushqimeve esenciale për komunitetet e rrezikuara.

Së treti, bizneset duhet të rrisin masat për të mbrojtur oqeanet. Ata mund të ndërmarrin veprime që ulin nivelin e dioksidit të karbonit, duke zvogëluar përdorimin e plastikës, apo duke krijuar produkte teknologjike në mbrojtje të natyrës . Për shembull, së shpejti do të jemi në gjendje të përdorim inteligjencën artificiale për të njohur këngët e balenave.

Lexo:  Oqeani është shumë i ndotur. Adidas synon të shesë 11 milionë atlete nga plastika e ricikluar

Vlerësohet se mbi 90% e tregtisë botërore është detare. Kjo do të thotë që bizneset duhet të mbështesin kompanitë tregtare që përdorin politika detare miqësore.

Disa ekonomistë thonë se ekonomia e oqeanit do të dyfishohet në vlerë deri në vitin 2030. Kjo paraqet mundësi biznesi emocionuese, por edhe rreziqe. Bizneset duhet të investojnë në mënyrë të kujdesshme për të udhëhequr këtë rritje. Bizneset duhet gjithashtu të fuqizojnë punonjësit të kryejnë shërbime vullnetare në det.

CNN

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale