Gratë bëjnë më shumë punë të papaguar në Shqipëri, aq sa arrijmë të renditemi ndër vendet e para në botë.
Sipas një raporti të Organizatës Ndërkombëtare të Punës (ILO), në një ditë, gratë në Shqipëri bëjnë mbi 5 orë punë të papaguar, 85% e të cilave kryhen në shtëpi.
Sipas të dhënave të ILO-s, Shqipëria renditet e pesta në botë, për punën e papaguar të grave.
Kjo përkon edhe me disa karakteristika, si vendodhjen dhe kulturën e vendit. Sipas raportit të ILO-s, vendet ku gratë kryejnë më shumë punë të papaguar janë në Lindje të Europës, dhe kryesisht vendet me besim fetar musliman.
Mbi 5 orë punë të tilla, bien në sy edhe për hendekun e madh me meshkujt. Burrat shpenzojnë më pak se 1 orë në ditë për punët pa pagesë. Punimet “falas” në shtëpi marrin mesatarisht 45 minuta në ditë. Këtu futen edhe punët teknike e mekanike, që burrat janë më shumë në gjendje të bëjnë për sistemimet apo rregullimet e dëmtimeve në banesa.
Lexoni: Gratë a Arabisë Saudite më në fund në timon
Ekspertët e Organizatës Ndërkombëtare të Punës, kanë bërë një përllogaritje të vlerës së punës së papaguar në çdo vend. Në Shqipëri, rezulton të jetë mbi 8% e Prodhimit të Brendshëm Bruto.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
