Publikon financat, kompania del më fitimprurësja në botë, dyfishi i Apple


Pasi bëri publike gjendjen financiare për herë të parë, u mësua se kompania arabe e naftës, Aramco, është më fitimprurësja në botë. Dhe jo thjesht, por dy herë më fitimprurëse se Apple, e cila shihej deri më sot si e para në botë.  Aramco ka fituar 111 miliardë dollarë në vitin 2018, sipas Moody’s. Kompania është duke u përgatitur që të blejë Korporatën Saudite të Industrive Bazë, një kompani shtetërore që merret me industrinë e përpunimit të naftës në Arabi. Blerja do t’i kushtojë 69.1 miliardë dollarë.Ky ka qenë deklarimi i parë publik nga Aramco. Si krahasim, Apple, e cila u shpall kompania më fitimprurëse në botë vitin e shkuar, kishte fituar 59.4 miliardë dollarë, gati sa gjysma. ExxonMobil, kompania më e madhe e naftës në SHBA, kishte fituar 20.8 miliardë dollarë. Dhe Shell-i holandez, kompania më e madhe e naftës në bursë, fitoi 23.4 miliardë.

Lexo: Finance and investors for young innovative entrepreneurs in Albania

Në fund të vitit të shkuar, Aramco ka deklaruar të ardhura prej 355.9 miliardë dollarësh, dhe  48.8 miliardë dollarë para “cash”. Kjo shifër është shumë më e madhe se borxhi prej 27 miliardësh. Këto shifra u ndihmuam edhe nga rritja e çmimit të naftës në vitin 2018, në krahasim me 2017.

Vjet, Aramco kishte planifikuar të nxirrte 5% të aksioneve në shitje, në bursë, me ofertën më të madhe fillestare në histori. Sauditët prisnin të merrnin 100 miliardë dollarë nga oferta fillestare, e cila do ta kishte vlerësuar kompaninë me 2 trilionë dollarë, ose dy herë më shumë se Microsoft, që njihet si kompania më e vlefshme në treg, me 904 miliardë dollarë.

Top Channel

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale