Adhuruesit e Apple po numërojnë ditët deri në daljen e iPhone 17 këtë vit. Zakonisht, çdo ndryshim madhor mbahet sekret deri afër prezantimit, por një publikim i fundit ka zbuluar ndryshime të mëdha në modelin e ri.
Një seri fotosh të publikuara në X treguan modele “dummy” metalike që zbulojnë se si mund të duket kamera e iPhone 17. Bazuar në këto foto, prototipet ndryshojnë edhe në madhësi, duke lënë të kuptohet se një model dukshëm më i hollë mund të jetë iPhone Air.
Për ata që nuk e pëlqejnë të mbajnë një telefon të madh dhe të rëndë në xhep, ky ndryshim do të jetë i mirëpritur. Mendohet se modeli Air, i cili pritet të zëvendësojë iPhone Pro , do të jetë super i hollë me një trashësi prej vetëm 0.2 inç (5.5mm) dhe shumë i lehtë. Sipas Forbes, ky model mund të ketë një buton “Action” në vend të rrëshqitësit tradicional Ring/Mute.
Përpara se të rifreskoni faqen e Apple për të parë nëse ka nisur presale, duhet të dini se ky mund të jetë një nga modelet më të shtrenjta deri më tani, sipas Tech Radar. Cili model dhe sa do të kushtojë? Këto detaje ende nuk janë zbuluar, por spekulohet se iPhone Air do të jetë modeli më i përballueshëm.
Siç pritej, njerëzit kanë reaguar për ndryshimet e mundshme në dizajnin e iPhone 17. “Nuk ka mundësi që një qenie njerëzore ta pëlqejë këtë dizajn kamere”, shkruante një komentues nën fotot e publikuara në X. Një tjetër tha: “E urrej këtë kamerën me zgjatje.”
Ndërsa një përdorues tjetër komentoi: “Nuk e di më për kë po i prodhon Apple këto iPhone.”
Nëse po mendoni të përditësoni telefonin tuaj dhe po kurseni për këtë model të ri, sigurohuni që të kujdeseni për baterinë tuaj. Bateria e një telefoni përkeqësohet me kalimin e viteve “për shkak të konsumit elektrokimik të brendshëm”, shpjegon Sandeep Unnikrishnan, drejtori i teknologjisë në startup-in e baterive Lionvolt për The Independent. Bateritë e telefonave zgjasin mesatarisht dy deri në tre vjet para se të humbasin ndjeshëm kapacitetin e tyre.
Për të shmangur këtë degradim, mos e karikoni telefonin tuaj deri në 100%, karikojeni vetëm gjatë ditës që ta monitoroni dhe shmangni përdorimin e tij ndërsa karikohet, pasi temperatura e pajisjes luan një rol thelbësor në jetëgjatësinë e baterisë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
