Pse tualetet transparente të Tokios janë një gjetje gjeniale

Në fillim, është e vështirë të konceptohet, që një tualet publik me mure transparente mund të ndihmojë në lehtësimin e ankthit të tualetit – por një dizajn kontrovers nga një prej arkitektëve më inovativë të Japonisë synon të bëjë pikërisht këtë.

Në të gjithë botën, tualetet publike janë një shqetësim i madh. Edhe në Japoni, ku kanë higjienë më të lartë sesa në pjesën tjetër të botës, te banorët ekziston frika se tualetet publike janë të errëta, të pista, me erë dhe të frikshme.

Për të luftuar fobinë e publikut, Fondacioni jo-fitimprurës Nippon nisi “The Tokyo Toilet Project,” duke detyruar 16 arkitektë të njohur të rinovojnë 17 tualete publike të vendosura në parqet publike të Shibuya, një nga zonat më të ngarkuara tregtare të Tokios. Tualetet transparente, të krijuara nga arkitekti që ka fituar çmimin Pritzker, Shigeru Ban, dhe shumë projektues të tjerë, janë bërë me një xham smart që bëhet sidoqoftë jo transparent, i errët, në momentin kur dikush hyn brenda.

Misioni ishte të zbatohej dizajni inovativ për t’i bërë tualetet publike të arritshme për të gjithë, pavarësisht nga gjinia, mosha apo paaftësia, me një qëllim “që njerëzit të ndjehen të qetë duke përdorur këto tualete publike dhe të nxisin një frymë mikpritjeje për personin tjetër”, sipas një deklaratë nga Fondacioni Nippon. Duke përdorur këtë teknologji, pra transparencën kur tualeti është bosh, dhe errësimin, kur dera e tij mbyllet, njerëzit mund të verifikojnë gjendjen para se të shpenzojnë qoftë edhe një qindark. Tualetet hi-tech të Japonisë, kanë qenë në fakt prej kohësh një atraksion për vizitorët në vend.

FORBES

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale