Pse presidenti Obama falenderon 6 vjeçarin shiptaro–amerikan?

Aleks, është një djalosh shqiptaro amerikan vetëm 6 vjec dhe jeton në Skarsdejl, Nju Jork. Një muaj më parë ashtu si të gjithë njerëzit në botë ai u prek nga pamjet e trishtueshme të Omran Daknesh, një pesëvjecar sirian në Alepo të ulur në një ambulancë në gjendje shoku. I mbuluar nga pluhuri dhe duke u përpjekur të fshijë gjakun nga duart e tij.

Aleks vendosi ti shkruajë një letër presidentit amerikan Obama, letër të cilin kreu i Shtëpisë së Bardhë vendosi t’a lexojë në Asamblenë e Përgjithshme të OKB-së, ku temat kryesore ishin pikërisht refugjatët dhe viktimat e luftës. Obama ka bërë apel që të merret shembull nga Aleksi i vogël, dhe ka publikuar letrën dhe në faqen e tij personale në Facebook, ku videoja është parë dhe shpërndarë me mijëra herë.

I dashur President Obama,
E mbani mend djalin që u mor me ambulancë në Siri?
Mund të shkosh ta marrësh atë dhe ta sjellësh në shtëpinë tonë?
Parkoni në rrugën përballë shtëpisë sonë, dhe ne do të jemi duke ju pritur me flamuj, lule dhe tullumbace. Ne do i japim atij një familje dhe ai do të jetë vëllai ynë. Katerin, motra ime, do të mbledhë flutura dhe pilivesa për të. Në shkollën time unë kam një shok nga Siria, Omarin. Do e prezantoj atë me Omarin dhe ne mund të lujamë të gjithë së bashku. Mund ta ftojmë atë në festat tona të ditëlindjes dhe ai do të na mësojë ne një gjuhë tjetër. Meqënëse nuk do të sjellë lodra, meqënëse ai nuk ka lodra, Katerin do të ndajë me ‘të lepurushin e madh të bardhë me vija blu. Dhe unë do të ndaj me ‘të bicikletën time dhe do e mësoj ta ngasë atë. Do i mësoj mbledhjet dhe zbritjet…

Këto janë fjalët e një 6 vjecari. Ai na mëson shumë. Humanizmi që një djalë i vogël mund të ketë, i cili nuk ka mësuar të jetë cinik, apo dyshues, apo të ketë frikë nga njerëzit e tjerë, prej vendit nga kanë ardhur apo nga pamja e tyre, apo si ata luten. Ne mund të mësojmë të gjithë nga Aleks.

burimi: lajmifundit.al