Pastaj e provoi të ndryshonte fjalëkalimin e Instagramit, kuptoi që personi që kishte marrë qasje e kishte ndryshuar, rrjedhimisht i sugjerova ta rivendoste fjalëkalimin (reset) nëpërmjet adresës së email-it. Vetëm kështu arriti të rifutet me sukses në llogarinë e Instagram-it.
I rikujtova që duhet të ndryshonte edhe fjalëkalimin e email-it dhe përgjigja ishte “po do ta ndryshoj”!
E gjithë kjo bisedë ndodhi herët në mëngjes. Gjysmë dite më vonë, ajo më rikontaktoi për të më njoftuar se ia kishin rimarrë qasjen e Instagram-it dhe për më tepër llogaria në Instagram nuk rezultonte më aktive!
Bëmë disa tentativa për ta rikthyer por politikat e Instagram-it për llogaritë që ‘fshihen’ apo ‘mbyllen’, ishte që mos t’i riaktivizonte më si adresa. Pra, lajmi edhe më i keq ishte fakti që emri i përdoruesit në Intagram nuk ishte më i vlefshëm dhe e gjithë puna për akumulimin e ndjekësve në këtë platformë tashmë kishte shkuar kot!
Kur e pyeta përseri nëse e kishte ndryshuar apo jo fjalëkalimin e email-it, mu përgjigj se nuk kishte pasur mundësi ta bënte në mëngjes pasi ishte me celular! Dukshëm personi që kishte marrë akses më herët e kishte rimarrë qasjen e llogarisë në Instagram-it dhe në shenjë demostrative e kishte fshirë!
Në shumicën e rasteve të tilla është shumë e vështirë të kuptosh se si apo në çfarë mënyre ju është vjedhur qasja e llogarisë tuaj, por duhet të filloni të mendoni seriozisht që t’i paraprini situatave të tilla!
Përdorni një fjalëkalim të vështirë!!!
Burimi: gazetaekonomia.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
