Protesta e fermerëve/ Shoqatat ekonomike të Kosovës dënojnë gjuhën e deputetit ndaj biznesmenit - Business Magazine Albania

Protesta e fermerëve/ Shoqatat ekonomike të Kosovës dënojnë gjuhën e deputetit ndaj biznesmenit

Një përplasje ka përfshirë një deputet të Kuvendit të Shqipërisë dhe Shoqatat e Tregtisë dhe Prodhimit në Kosovë.

Erjon Bracce, ish-zv.kryeministër i Shqipërisë dhe deputet i zonës së Lushnjës në Kuvendin e Shqipërisë, pas protestës së parë të fermerëve në zonën e Myzeqesë që kundërshtonin paketën fiskale të qeverisë ka lëshaur disa akuza kundrejt kompanive grumbulluese që funksionojnë në zonë.

Sipas deputeti Brace kompania “Doni Fruits”, një nga grumbulluesit më të mëdhenj në zonë, e themeluar nga Ejup Ahmeti biznesmen nga Kosova, se vepron me standarte të dyfishta të treg, ndërsa vonon edhe paratë për fermerët dhe shpeshherë nuk i paguan mallin që i merr.

Ahmeti bëri një thirrje publike për fermerët në mbështetje të protestës, ndërsa kjo nxiti reagimin e Braces.

Këto deklarata kanë nxitur menjëherë reagimin e Odës Ekonomike të Kosovës. Berat Rukiqi, Kryetari i Odës, i ka kërkuar kryeministrit të Shqipërisë, Edi Rama të ndërmarrë veprime ndaj deputetit Erion Braçe, pasi sipas tij Braçe po përdor gjuhë shantazhuese ndaj kompanisë Doni Fruits. Rukiqi vlerëson kompaninë për suksesin e shënuar  në Kosovë e më gjerë.

Ndërsa, një tjetër shoqatë Klubi i Prodhuesve të Kosovës ka reaguar duke thënë se gjuha e përdorur nga deputeti Bracce vështirëson edhe më shumë klimën e të bërit biznes në Shqipëri:

“Prodhuesit dhe tregtarët nga Kosova ka kohë që hasin në probleme të shumta gjatë operimit të tyre në tregun e Shqipërisë, problemet këto të cilat po ndikojnë në mosfunksionimin e një tregu të përbashkët, por edhe ndikojnë në klimën e investimeve kosovare në Shqipëri. E sa i përket kushteve e të bërit biznes, ndërmarrësit dhe prodhuesit nga Kosova ankohen për mos mbrojtje nga shteti shqiptar, Ambienti i të bërit biznes për ta vështirësohet kur hasin në probleme të ndryshme në mosrespektimin e kontratës, mospagesës së mallrave dhe shërbimeve, shkatërrimin e pronës dhe shumë e shumë probleme tjera. Shto këtu tanimë edhe gjuhën linçuese dhe fyerjet nga përfaqësues të Parlamentit shqiptar”, thuhet në reagim.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0