Pronarët e bizneseve të vogla përgatiten për më tepër vuajtje nga inflacioni - Business Magazine Albania

Pronarët e bizneseve të vogla përgatiten për më tepër vuajtje nga inflacioni

Ekonomistët botërorë, si dhe ekonomistët e wall Street po debatojnë mundësinë e një rënieje ekonomike në të ardhmen e afërt. Në të njëjtën kohë, bizneset e vogla kanë filluar të përgatiten për kohët më të vështira që duket të jenë duke ardhur. Më shumë se 93% e pronarëve te bizneseve në Shtetet e Bashkuara të Amerikës janë të shqetësuar nga besimi se ShBA do të hyjë në një periudhë recesioni brenda vitit të ardhshëm, bazuar në një sondazh të realizuar nga Goldman Sachs.

Për pjesën më të madhe të bizneseve të vogla, një rënie e ekonomisë nuk është më një skenar hipotetik.

Më shumë se ¾ e pronarëve të bizneseve (78% e tyre), kane raportuar se ekonomia ka qenë në rënie gjatë tre muajve të fundit.

Inflacioni historik i cili u rrit me 9.1% në qershor, ka goditur pronarët e bizneve të vogla. 80% e tyre raportoi se presionet nga inflacioni janë rritur gjatë tre muajve të fundit. 75% e tyre tha se rritja e çmimeve e ka ndikuar negativisht situatën financiare të biznesit të tyre. 2/3 e pronarëve të bizneseve të vogla i janë drejtuar rritjes së çmimeve të produkteve të tyre për t’u përshtatur me rritjen e çmimeve në treg. Pjesa më e madhe e tyre nuk i ka rritur çmimet mbi 10% nga niveli fillestar.

Megjithatë, çmimet, që janë çmimet më të shtrenjta në treg nga viti 1981, nuk duken të jenë shqetësimi më i madh për bizneset e vogla, sipas Goldman Sachs. Mungesa e kërkesës për punësim mbetet problemi më i madh. 84% e pronarëvë të bizneseve të vogla raportuan se kushtet e punonjësve nuk jane përmirësuar gjatë tre muajve të fundit. 41% pranuan se problemet e punësimit janë përkeqësuar. Për më shumë se gjysmën e bizneseve të vogla, procesi tipik i punësimit për një vend vakant zgjat tashmë mbi dy muaj. Pronarët e bizneseve cituan se garimi me kompanitë më të mëdha në kritere si paga dhe shpërblimet janë sfida e tyre më e madha në tërheqjen e të punësuarve.

Me gjithë sfidat me të cilat pronarët e bizneseve të vogla po përballen për shkak të inflacionit, pozicioneve të mbetura vakante dhe problemeve të vazhdueshme me zinxhirin e prodhimit, 2/3 ruajtën sigurinë se problemet e tyre financiare do të jenë të përballueshme për pjesën e mbetur të vitit.

https://www.inc.com/ali-donaldson/inflation-small-business-owners-goldman-sachs.html

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0