Projekti “Coding with WoMen” ofron mundësinë për të përfituar bursa


Coding with WoMen është një nismë e ndërmarrë nga 5 studentë të Canadian Institute of Technology, e cila ka si qëllim:

  • të rrisë interesin e gjimnazistëve në fushën e shkencave kompjuterike,
  • të kontribuojë në vendosjen e një ekulibri midis pranisë së vajzave dhe djemve në teknologji.

Projekti është organizuar në formën e një cikli sesionesh programimi të ndërthurura me informacione dhe këshilla në fushën e teknologjisë. Këto sesione do t’ju pajisin me njohuri bazike në gjuhët Python, Java, HTML/CSS, SQL dhe Android. Gjithashtu, nëpërmjet sesioneve informuese, do të njiheni me disa nga profilet e shkencave kompjuterike, aftësitë që u duhen profesionistëve të kësaj fushe, figura që kanë kontribuar në teknologji, etj.

Në përfundim të projektit, do të pajiseni me një certifikatë. Gjithashtu, për nxënësit me performancë të lartë gjatë sesioneve, do të ofrohen ulje të tarifave të studimit/bursa në një nga programet e Canadian Institute of Technology.

Sesionet janë të pavarura. Pra, ju mund të frekuentoni secilin prej tyre sipas dëshirës. Ftohen të marrin pjesë gjimnazistët nga shkollat e mesme të Tiranës.

Linkun e aplikimit e gjeni Këtu.

Për çdo paqartësi, kontaktoni në:

elisa.pashku@cit.edu.al
xhemal.kodragjini@cit.edu.al
ose 0699193679

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale