Ministrja e Ekonomisë dhe Financave, Anila Denaj komentoi të premten prioritet kryesore të projekt-buxhetit për vitin 2021.
Në një intervistë për ReportTv, Denaj tha se ky projektbuxhet është një ndër më ambiciozët, ku vëmendja do të jetë tek rindërtimi, investimet publike dhe rritja e pagave për mjekët.
Ajo theksoi se rindërtimi nuk është thjeshtë një politikë, por pritet të sjellë rritje ekonomike:
“Projektbuxheti është një nga më ambiciozët. 28 miliardë lekë për rindërtimin. Fondi i rindërtimit nuk është thjesht një politikë, por një ekonomi për të gjithë të dëmtuarit nga tërmeti.”
Lexoni: Oferta ALBtelecom, platforma surprizë e një komunikimi të ri
Lidhur me investimet publike, Denaj tha se në vitin 2021 do të përfundohet ‘rrugët e mbetura’ dhe do të nisë ndërtimi i Tunelit të Llogarasë.
E pyetur për paketën e tretë ë ndihmës ekonomike për pasojat e pandemisë, Denaj tha se do të rialokohen fonde nëse do të jetë e nevojshme dhe kjo do të përcaktohet në bazë të situatës në vazhdim.
Më parë opozita e ka quajtur projektbuxhetin 2021 si tentativën e fundit të qeverisë Rama për të vjelur fonde publike dhe se rrit ndjeshëm borxhin publik.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
