“Programi Përshpejtues për Artizanët,” shitje, trajnim dhe mentorim


Nuk është hera e parë që Yunus Social Business i vjen në ndihmë të rinjve dhe ideve të tyre të biznesit. Krahas suksesit 2 vjeçar të Social Impact Award (SIA), programi më i madh për sipërmarrjen sociale për të rinjtë, risia e rradhës është një kompeticion për artizanët e vendit. 

Yunus Social Business Balkans në bashkëpunim me DyqanTaxi organizojnë “Programin Përshpejtues për Artizanët” i cili është një program trajnimi dhe kompeticion që synon promovimin e artizanëve në DyqanTaxi, një nga platformat më të mëdha rishitëse në Shqipëri.

Të gjithë artizanët e grupmoshës 18 – 35 vjeç të cilët prodhojnë në kategorinë çantë, bizhu, shall, portofol, bllok, kapuç, dorashka, rrip, papjon, kollare, mansheta janë të ftuar të aplikojnë për t’u bërë pjesë e konkursit dhe programit.

Ky program dhe kompeticion organizohet në kuadër të Programit mbi Zhvillimin e Bizneseve Sociale në Shqipëri mes USAID/Albania dhe Yunus Social Business Balkans dhe partner mediatik New Media Communications Business Mag Albania.

Nxitoni të bëheni pjesë, aplikimet përfundojnë në datë 15 Nëntor.

Për çdo informacion ose paqartësi kontaktoni në email: gerion.treska@yunussb.com

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0