Profesori që parashikoi 'Dorëheqjen e Madhe' zbulon 3 tendencat që do të dominojnë punën në 2022-shin - Business Magazine Albania

Profesori që parashikoi ‘Dorëheqjen e Madhe’ zbulon 3 tendencat që do të dominojnë punën në 2022-shin

Gjatë vitit 2021 tre fjalë të cilat formësuan botën e punës: “Dorëheqja e madhe”.

Anthony Klotz, një psikolog organizativ dhe profesor në Universitetin A&M të Teksasit, shpiku frazën gjatë një interviste me Bloomberg majin e kaluar për të përshkruar valën e njerëzve që largoheshin nga puna për shkak të pandemisë së koronavirusit, e cila bëri që shumë njerëz të rimendonin se ku, si dhe pse punojmë.

Por ai kurrë nuk parashikoi se çfarë do të ndodhte më pas. Dorëheqja e Madhe ka vazhduar të dominojë titujt e lajmeve dhe ka çuditur liderët e biznesit. Në nëntor, një rekord prej 4.5 milionë punonjësish lanë punën e tyre, sipas raportit të fundit të Departamentit të Punës.

Dorëheqja e Madhe ka frymëzuar terma të tjerë për të përshkruar revolucionin e punës që po dëshmojmë, duke përfshirë “Riimagjinimin e Madh”, “Rivendosja e Madhe” dhe “Realizimi i Madh”. Këto rrëfime shpjegojnë se si ne po rishqyrtojmë rolin e punës në jetën tonë, por nuk po shohim pasojat më të gjera të kësaj vale të braktisjes së vendeve të punës dhe çfarë do të thotë kjo për punonjësin individual, argumenton Klotz.

Më poshtë, Klotz ndan tre parashikimet e tij se si do të duken vendet e punës në vitin 2022:

Dorëheqja e Madhe do të ngadalësohet

Largimi nga vendet e punës do të vazhdojë dhe në vitin 2022, por Klotz nuk pret që dorëheqja të rritet  aq sa vitin e kaluar.

Amerikanët u larguan nga puna me një ritëm rekord gjatë gjysmës së dytë të 2021-shit dhe akoma më shumë planifikojnë të japin dorëheqjen në vitin e ri. Rreth 23% e punonjësve do të kërkojnë punë të reja në 2022, ndërsa 9% kanë siguruar tashmë një pozicion të ri pune, sipas një sondazhi të dhjetorit ResumeBuilder.com me 1250 punëtorë amerikanë.

Megjithatë Klotz parashikon se për shkak se tregu i ngushtë i punës i ka shtyrë kompanitë të ofrojnë përfitime më të mira dhe paga më të larta, kjo se do të pengojnë largimin e punoësve nga vendet e tyre të punës në muajt në vijim.

Lexo edhe: “Prisni të plasë lufta mes punonjësve dhe shefave!” Parashikimet e ekspertit për punën në distancë

Marrëveshjet e punës fleksibël do të jenë normë, jo përjashtim

Liria për të punuar nga kudo është  kthyer në një nga kërkesat më të mëdha gjatë pandemisë, aq sa njerëzit e vlerësojnë fleksibilitetin sa një rritje prej 10% e pagës, sipas hulumtimit të ri nga Projekti Kërkimor WFH.

Klotz pret që një kulturë fleksibël pune do të çojë në një ekuilibër më të mirë punë-jetë dhe përmirësim të shëndetit mendor për punonjësit. “Një përfitim i madh i kësaj pandemie të tmerrshme është se bota e punës do të bëjë një hap të madh pozitiv përpara për punëtorët,” thotë ai. “Puna do të përshtatet me jetën tonë personale në vend që jeta jonë personale të përshtatet me punën.”

Puna në distancë do të bëhet më konkurruese

Ndërsa kompanitë luftojnë për të punësuar në Shtetet e Bashkuara, një numër në rritje i menaxherëve mund t’i drejtohen automatizimit dhe kandidatëve ndërkombëtarë për të plotësuar vendet e hapura të punës.

Klotz parashikon që kompanitë do të bëjnë investime më të mëdha në robotë dhe inteligjencë artificiale për të reduktuar kohën dhe kostot e punësimit edhe pas përfundimit të pandemisë.

Të njëjtat përfitime mund t’i shtyjnë kompanitë të punësojnë më shumë kandidatë ndërkombëtarë për punë në distancë dhe të krijojnë edhe më shumë konkurrencë, shton ai. “Në Shtetet e Bashkuara, punonjësit priren të paguhen me paga më të larta se njerëzit në shumë vende të tjera,” thotë Klotz. “Nëse jeni një organizatë, mund të rekrutoni punëtorë nga e gjithë bota që mund të bëjnë të njëjtën punë për një tarifë më të ulët.”

cnbc 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0