Profesorët William Nordhaus dhe Paul Romer, fituesit e çmimit Nobel në ekonomi


Çmimi Nobel në ekonomi për vitin 2018 u shkon dy studiuesve amerikanë William Nordhaus dhe Paul Romer. Ata u vlerësuan për punën e tyre, në studimin e ndikimit të ekonomisë në ndryshimet klimatike.

Çmimi i 50-të në ekonomi këtë vit (i pari në vitin 1969), iu dha dy studiuesve që kanë trajtuar ndryshimet klimatike dhe inovacionin duke rishikruar konceptin e rritjes ekonomike.

William Nordhaus është ekonomist amerikan dhe lektor në Universitetin Yale. Nordhaus jeton në New Haven, Connecticut. Ai u vlerësua për studimin e tij në lidhjen që gjendet mes ndryshimeve klimatike dhe ekonomisë.

Paul Romer ka mbrojtur teorinë e rritjes endogjene. Studimet e tij krijuan bazën për kërkime të reja mbi politikat që nxisin inovacionin dhe rritjen afatgjatë të ekonomisë. Romer ka qenë kryeekonomist dhe nënkryetar i Bankës Botërore deri para një viti ndërsa vijon të jetë profesor në Universitetin e Stanford-it.

Akademia Mbretërore Suedeze e Shkencave tha se ata kanë trajtuar disa nga pyetjet më themelore dhe më të ngutshme të kohës sonë për rritjen e qëndrueshme.

Dy ekonomistët shpërblehen me 9 milionë krona suedeze (rreth 841,000 euro).

Profesor Arben Malaj, Ish ministër i Financave dhe anëtar i Këshillit Mbikëqyrës pranë Bankës së Shqipërisë, duke vlerësuar kontributin e tyre, thotë se, “Sfidat e rritjes së qëndrueshme si ambienti dhe teknologjia, janë dinamike. Përfshirja e tyre në modelet ekonomike e bën shkencorë procesin e njohjes së ndërveprimit të tyre në rritjen ekonomike, duke ndikuar në ndërgjegjësimin publik të prioriteteve, sfidës së burimeve të pakta dhe përmirësimin e politik-bërjes në përdorimin sa më efektiv të tyre”.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale