Amazon po teston një funksionalitet të ri të bazuar në inteligjencë artificiale që ofron audiopërmbledhje për produktet, ku dy “prezantues” të krijuar nga AI bisedojnë mbi veçoritë dhe përfitimet e një produkti. Këto audio jo vetëm që përfshijnë informacionet zyrtare të produktit, por marrin të dhëna edhe nga komentet e përdoruesve dhe burime të tjera nga interneti.
Ky funksion është aktualisht i disponueshëm për disa produkte të përzgjedhura në aplikacionin mobil të Amazon, si: Ninja Blender, OSEA Undaria Algae Body Oil, SHOKZ OpenRun Pro, dhe SafeRest Waterproof Mattress Protector. Përdoruesit mund ta provojnë funksionin duke shtypur butonin “Dëgjo përmbledhjen” që ndodhet poshtë përshkrimit të produktit.
Lexo edhe:Analizë/ Startup-et në Shqipëri, një ekosistem në zgjerim me sfida dhe potencial!
Audioja fillon me një “kujtesë miqësore” se përmbajtja është gjeneruar nga AI, ndjekur nga një prezantues virtual “ekspert”, i cili shpjegon në mënyrë të detajuar karakteristikat e produktit. Ky stil përngjan me përmbledhjet audio të Google, ku dy AI diskutojnë në një format që ngjan me një podcast mbi dokumentet apo prezantimet e tua.
Në përmbledhjen për SHOKZ OpenRun Pro, prezantuesi AI na njeh me “Max”, i cili shpjegon se diferenca kryesore e këtyre kufjeve është se ato transmetojnë tingullin përmes kockave të faqeve dhe jo përmes veshëve. Më pas, prezantuesi vazhdon me pyetje për produktin, si për shembull: kush përfiton nga ky dizajn dhe si është cilësia e zërit.
“Ndërsa mikrofoni merr lëvdata për anulimin e zhurmave, disa përdorues thonë se nuk janë mjaftueshëm të fuqishme për një përvojë të thellë muzikore,” thotë eksperti virtual Max. “Megjithatë, klientët përmendin se janë më të mira se kufjet tradicionale në disa raste.”
Aktualisht, ky funksion i ri është i disponueshëm vetëm për një numër të kufizuar përdoruesish në SHBA, por Amazon ka në plan ta zgjerojë në më shumë produkte dhe tregje në muajt në vijim.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
