Dy shoqëri, “EURUS” Sh.P.K. dhe “WF ENERGY” Sh.P.K. kanë dërguar kërkesa në Ministrinë e Infrastrukturës dhe Energjisë, ku shprehin interesin për të ngritur impiant eolik në Shqipëri.
Është një projekt i përbashkët pasi zona e impiantit, kapaciteti i instaluar dhe vlera e investimit është e njëjtë për të dyja aplikimet.
Zona e konsideruar e përshtatshme nga investitorët për vendosjen e turbinave të erës është një sipërfaqe 450 mijë metra katrorë në gadishullin e Karaburunit në Vlorë. Më parë këto impiante janë kundërshtuar nga ambientalistët, të cilët akuzojnë se dëmtohet fauna.
Kapaciteti i instaluar propozohet të jetë 10 MW, pesë herë më e lartë se aplikimet pwr HEC-e dhe impiante diellore (prej 2 MW).
Vlera e investimit llogaritet në 20.83 milionë euro gati 10-fishi i kostos së një impianti fotovoltaik.
Impiantet eolike shfaqin vlera më të larta investimi në krahasim me impiantet diellore për të njëjtin kapacitet të instaluar. Po ashtu, centralet e erës kërkojnë një sipërfaqe më të madhe dhe janë shpesh të zhurmshëm. Por, pas investimit, era ka një kosto më të ulët për prodhimin e energjisë (Greqi 96 euro/MWh, Kroaci 98 euro/MWh), krahasuar me diellin (Greqi 120 euro/MWh, Kroaci 185 euro/MWh)
Qeveria shqiptare përmes skemës për burime të rinovueshme mbështet dhe garanton për investitorët e impianteve fotovoltaike një çmim prej 100 euro/MWh, ndërsa për ata të impianteve eolike një çmim prej 76 euro/MWh.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English