Google publikoi në fillim të majit një përditësim të rëndësishëm për telefonat Pixel, që përfshinte 28 rregullime sigurie dhe disa përmirësime të funksionaliteteve. Por, menjëherë pas instalimit të tij, përdoruesit filluan të raportojnë një problem të papritur, bateritë e telefonave po shteronin shumë më shpejt sesa normalisht, dhe disa madje përjetuan mbinxehje.
Lexo gjithashtu: Ky startup po e bën çdo restorant lokal një gjigant teknologjik
Google u përball me një valë ankesash nga përdorues të modeleve Pixel 6 deri te Pixel 9, që vinin nga faqet e teknologjisë dhe forumet e përdoruesve. Megjithatë, tani kompania ka dhënë shpjegimin zyrtar, problemi nuk vjen nga përditësimi i majit, por nga një gabim i aplikacionit Instagram, i cili po konsumonte në mënyrë të pazakontë baterinë e pajisjeve.
Në një deklaratë për 9to5Google, Google theksoi se ky bug i Instagram-it ishte përgjegjës për këto probleme dhe se përditësimi i sistemit operativ nuk kishte ndikuar në performancën e baterisë. Kjo zbulim sjell lehtësim, por mbetet sfidë për përdoruesit që të adresojnë vetë këtë problem deri në një korrigjim të ardhshëm nga Instagram.
Lexo gjithashtu: Lamtumirë, Pikachu! Niantic e mbyll një epokë për të ndërtuar të ardhmen me AI
Në ndërkohë, përdoruesit rekomandohen të monitorojnë përdorimin e aplikacioneve dhe të kufizojnë aktivitetin e Instagram-it në sfond për të përmirësuar qëndrueshmërinë e baterisë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
