Roveri Mars 2020, i cili do të niset drejt planetit të kuq në 2021, do të kërkojë gjurmë të jetës së hershme atje, por do të hapë edhe rrugën për misione njerëzore. Deklaratën e bënë shkencëtarët e NASA-s ndërsa prezantuan këtë mjet.
Roveri është ndërtuar në një dhomë të madhe, sterile, në laboratorin jet propulsion në Pasadena, afër Los Angelos. Pajisjet u testuan me sukses në fund të dhjetorit.
Roveri u prezantua para gazetarëve të ftuar në një ceremoni dhe pritet të lërë tokën në korrik 2020 nga Cape Canaveral në Florida. Ai është i pesti Rover amerikan që do të ulet në Mars. I projektuar të kërkojë shenja jete, ai është i pajisur edhe me një seri instrumentash që do të ndihmojnë në kuptimin e përmbajtjes gjeologjike dhe kimike të sipërfaqes së Marsit.
Roveri është i pajisur me 23 kamera, dy ‘veshë’ që do ta lejojnë atë të dëgjojë erërat marsiane si edhe lazera të përdorur për analiza kimike. Nisur nga përmasat e një makine, Roveri është i pajisur me gjashtë rrota, si paraardhësi i tij Curiosity, që i lejon të udhëtojë edhe në terrene shkëmbore. Shpejtësia nuk është prioritet për shkencëtarët e Nasas. Ndërsa lëvizja e mjetit do të ushqehet nga një reaktor bërthamor në miniaturë.
Ai ka edhe krahë, me të cilët mund të gërmojë dhe të kapë kampionë në vende që shkencëtarët do ti identifikojnë si të përshtatshme për jetë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
