A keni një start-up në fazë rritje dhe zhvillimi në treg?
Akseleratori GROWpreneur prezantoi programin mbështetës për startup-et.
Shkëlzen Marku drejtor i Yunus Social Business Balkans dhe Patrik Fetahaj, ekspert nga EU for Innovation, treguan detajet rreth programit.
Të rinjtë që kanë një startup, puna për të cilin ka nisur, kanë mundësi të aplikojnë deri më 28 mars.
Pas kësaj faze, Marku shpjegoi se 30 aplikantë do të jenë pjesë e Boot Camp, që do të zhvillohet më 9, 10 dhe 11 Prill, online. Ndërsa mentorimi do të vijojë për 15 prej tyre.
Programi është dizenjuar për të qenë fleksibël, ku vetëm një pjesë e programit bazë zhvillohet për të gjitha startup-et në të njëjtën formë. Më tej, çdo startup do të ketë një program të personalizuar. Mentorët janë të përmasave ndërkombëtare, rajonale por edhe vendase.
Ndaj, GROWpreneur vjen me dy programe: akselerator dhe Fleksible Support Plus.
Lexo: A ndihemi të barabartë në kushtet e punësimit, me një pagë të njëjtë apo me vlerë të njëjtë?
Përfaqësuesit e programit shpjeguan se pjesë e këtij kompeticioni mund të jenë startup-et në çdo fushë dhe që nuk kanë fokus vetëm tregun e huaj.
Patrik Fetahaj, theksoi se mes aplikantëve që do të regjistrohen deri më 25 Mars, dy prej tyre do të përzgjidhen për të marrë pjesë në TechChill, konferencën më të madhe të teknologjisë në Europë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
