Presidenti Tajip Erdogan e ndërtoi reputacionin e tij në forcimin e ekonomisë së Turqisë. Lira turke ka parë një ditë të dytë fitimesh dramatike ,pasi presidenti Recep Tayyip Erdogan zbuloi një plan të ri që synon forcimin e monedhës. Në tregtimin e së martës, ai u rrit deri në 15%, pasi u rrit me 25% të hënën.Fitimet erdhën pasi zoti Erdogan u zotua të kompensojë kursimtarët për inflacionin që ka gërryer vlerën e depozitave bankare të mbajtura në lira.
Monedha kishte rënë në nivele rekord pasi rritja e kostos së jetesës në vend arriti në 21.7%. Por në një moment të martën, ajo u përforcua në pak më shumë se 11 kundrejt dollarit. Pavarësisht rritjes së çmimeve, Erdogan e ka shtyrë bankën qendrore të vazhdojë të ulë normat e interesit. Javën e kaluar, ajo uli kostot e huamarrjes nga 15% në 14% të enjten.
Normalisht, bankat qendrore rrisin normat për të luftuar çmimet në rritje, por zoti Erdogan i ka quajtur mjete të tilla “nëna dhe babai i çdo të keqeje”. Presidenti dhe aleatët e tij argumentojnë se normat e ulëta të interesit i japin një shtysë eksporteve, investimeve dhe vendeve të punës turke. Por shumë ekonomistë thonë se ulja e normave është e pamatur.
Lexo edhe: Turqia po shet dollarë që të luftojë zhvlerësimin e lirës
Alternativa financiare
Sipas masës së fundit, qeveria ka premtuar të paguajë diferencën midis vlerës së kursimeve në lira dhe depozitave ekuivalente në dollarë. “Ne po paraqesim një alternativë të re financiare për qytetarët që duan të lehtësojnë shqetësimet e tyre që rrjedhin nga rritja e kursit të këmbimit kur vlerësojnë kursimet e tyre”, tha presidenti. “Me uljen e normave të interesit, të gjithë do të shohim se si do të fillojë të bjerë inflacioni brenda muajve”, shtoi ai. “Ky vend nuk do të jetë më parajsë për ata që shtojnë paratë e tyre me kamata të larta, nuk do të jetë strehë importi”
Lira është aq një valutë që e ka humbur besimin dhe këtë e tregon fakti se më shumë se gjysma e kursimeve në Turqi janë në valuta të huaja dhe ar, sipas të dhënave të bankës qendrore.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
