Pandemia e koronavirusit, sipas presidentit amerikan Joe Biden, ka përfunduar. Në një intervistë për emisionin “60 Minutes”, të televizionit CBS, shefi i Shtëpisë së Bardhë pohoi se ka ende probleme me koronavirusin që gjunjëzoi botën për tre vjet. Ne jemi duke punuar shumë në luftën ndaj këtij virusi, por pandemia në vetevete ka përfunduar”, deklaroi presidenti 79-vjeçar.
“Po ta shikoni, askush nuk mban më maska. Njerëzit duken në formë të mirë. Mendoj se gjërat po ndryshojnë dhe ky është shembulli i përsosur i asaj që po ndodh.” – shprehet Biden.
Deklarata befasuese vjen në një kohë kur pasojat e pandemisë në SHBA janë tkurrur ndjeshëm që nga koha kur vdisnin 3000 amerikanë në ditë. Megjithatë, sipas qendrave për kontrollin dhe parandalimin e sëmundjeve atje ende humbin jetën cdo ditë 400 persona nga Covidi. Të tilla pohime mund të shkaktojnë trazira edhe brenda vetë administratës së Bidenit.
Lexo edhe: OBSH: Fundi i pandemisë afër. Koha t’i japim goditjen finale
Vetëm pak javë më parë, qeveria amerikane i kërkoi Kongresit amerikan miliarda dollarë shtesë për të luftuar pandeminë, në mënyrë që të mund të vazhdojë të ofrojë teste dhe vaksinime, gjatë një vale të mundshme të Coronës në vjeshtë. Vetë presidenti rezultoi pozitiv ndaj koronavirusit në korrik të këtij viti dhe u trajtua me ilaçin kundër COVID-it, Paxlovid.
Në fund të gushtit, gruaja e tij Jill u infektua po ashtu me këtë virus dhe mori të njëjtën mjekim.. Autoritetet amerikane kanë lejuar së fundmi përdorimin e dy vaksinave të përshtatura kundër variantit Omicron. Të dy preparatet janë të ashtuquajturat vaksina bivalente mRNA nga kompanitë BioNTech/Pfizer dhe Moderna.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
