Një anketim që zhvillohet periodikisht nga Banka e Shqipërisë vëren se rreth një e treta e popullsisë në vend ka vazhdimisht një hua për të paguar.
Nga anketimet e këtij viti rezulton se 28% e familjeve kanë hua për të paguar. Borxhi i tyre zë 10-30% të të ardhurave familjare dhe kushtet për ta paguar kanë mbetur të njëjta për më shumë se gjysmën e borxhlinve dhe janë përkeqësuar ndaj një viti më parë për pjesën tjetër.
Edhe pritshmëritë e tyre për aftësitë e pagesës në gjashtë muajt e ardhshëm janë të njëjta. Rreth tre të katërtat e familjeve me borxhe nuk presin përmirësim, ndërsa pjesa tjetër parashikojnë përkeqësim të gjendjes së tyre financiare.
Lexo: Shqiptarët, gjithnjë në përpjekje për të paguar kredinë në kohë
Një fakt pozitiv që theksohet në rezultatet e anketës është rritje e huasë nga burime formale krahasuar me një vit më parë. Kredia në lekë kryeson në nivele të larta, 84% e totalit të kredisë, ndërsa pjesa e mbetur është marrë në euro.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
