Kufijtë tradicionalë të argëtimit po zbehen gjithnjë e më shumë, duke krijuar sfida dhe mundësi të reja për industrinë e kohës së lirë dhe argëtimit. Një analizë e re nga WARC zbulon një peizazh të transformuar, ku “kidultët” po ribëjnë tregun e lodrave, lidhjet sociale po nxisin përfshirjen në aktivitete fizike, ndërsa Gen Z po revolucionarizon mënyrën e konsumit të përmbajtjes mediatike.
Zbuloni pesë trendet kryesore që pritet të ndikojnë strategjitë e marketingut në këtë sektor në raportin më të fundit të WARC “Industry Snapshot”.
Pse janë të rëndësishme trendet e industrisë?
Industria e argëtimit dhe kohës së lirë po përjeton disa ndryshime të rëndësishme: zakonet e shikimit të përmbajtjes po ndryshojnë, socializimi po shtrihet përtej aktiviteteve tradicionale, ndërsa kërcënimi i tarifave doganore vazhdon të qëndrojë si rrezik. Të qenit në hap me këto zhvillime do të jetë thelbësor për markat që duan të shfrytëzojnë mundësi të reja, të përmbushin pritshmëritë e konsumatorëve dhe të ruajnë konkurrueshmërinë.
Lexo edhe:18 industritë që do të riformësojnë ekonominë globale deri në vitin 2040
Pesë trendet kryesore në argëtim dhe kohë të lirë
1. Rritja e fenomenit “kidults”
Më shumë të rritur po blejnë lodra për veten e tyre, dhe markat po përgjigjen me produkte dhe përvoja të dizajnuara posaçërisht për këtë segment të ri.
2. Markat zgjerojnë praninë në evente live
Brenda industrisë së argëtimit, gjithnjë e më shumë marka që tradicionalisht nuk kanë qenë të lidhura me përvoja live, po investojnë në këtë drejtim për të rritur përfshirjen dhe lidhjen me audiencën.
3. Rritja e fitnesit social
Konsumatorët po bashkohen në grupe fitnesi dhe klube sportive jo vetëm për aktivitet fizik, por edhe për të krijuar lidhje sociale më të thella.
4. Zhvillimi i përmbajtjes video më konservatore
Industria e përmbajtjes video po riformaton strategjitë e zhvillimit të programeve, duke synuar një audiencë më të gjerë dhe më tradicionale, për të shmangur përjashtimin e konsumatorëve konservatorë.
5. Gjeneratat e reja po anashkalojnë Hollywood-in
Audiencat e reja, sidomos Gen Z, po shfaqin gjithnjë e më shumë preferencë për përmbajtje ndërkombëtare dhe për media sociale, duke ndryshuar rrënjësisht mënyrën se si konsumojnë argëtim.
Për të ndihmuar profesionistët e marketingut të përgjigjen ndaj këtyre tendencave, raporti përfshin gjithashtu një seri skenarësh hipotetikë që mund të shërbejnë si bazë për planifikim strategjik dhe përgatitje për të ardhmen. Bazuar në metodologjinë ekskluzive GEISTE të WARC, ky raport është pjesë e programit Evolution of Marketing, që ofron njohuri të thelluara për zhvillimet dhe transformimet e mëdha në industrinë globale të marketingut.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
