Krijoni rutinën tuaj
Dy orë në javë të shpenzuara në natyrë, mund të japin shëndet dhe mirëqenie të konsiderueshme, sipas hulumtimeve të Universitetit të Exeter Medical School. Duke filluar ditën me një kafe në kopësht, ose afër një dritareje të hapur, është një mënyrë e thjeshtë për të frymëzuar qetësinë. Po kështu edhe një ecje gjatë pushimit të drekës.
Kushtojini vëmendje asaj që është rreth jush
Ekspertët inkurajojnë njerëzit që të shohin më nga afër bimët, pemët dhe madje edhe barërat e këqija. Ndaluni për të parë bletët që rrethojnë lulet. Ka jetë kudo, por është kaq e lehtë ta humbasësh. Ndaloni dhe vini re. Jo Phillips, drejtor i Shoqatës së Shkollave Pyjore në Britani, sugjeron se do të ishte mirë të kërkoje “pesë gjëra të bukura” për të angazhuar shqisat tua. Këto mund të jenë: një lule, retë, një pemë ose drita natyrore.
Ndaluni në natyrë
Nëse nuk merrni autobusin për të shkuar në punë ose nëse bëni një shëtitje në natyrë gjatë pushimeve në punë janë mënyra të thjeshta për të rritur ekspozimin ndaj natyrës. Phillips sugjeron që nëse shëtitjen po e bëni me dikë tjetër dhe aq më shumë nëse personat janë fëmijë, duhet që herë pas here të flisni për elementet që ka ju kapur syri. Kështu, mund të bëni gjithçka që mundeni për të siguruar që prindërit e së ardhmes të kenë përvoja të paharrueshme në natyrë dhe ata t’ua kalojnë atë njohuri fëmijëve të tyre”.
Lexo: 5 mënyra jo të kushtueshme për të inkurajuar punonjësit tuaj
Gjeni hapësirat e gjelbra online
Me më shumë se 62,000 hapësira të gjelbra urbane në Britaninë e Madhe, gjelbërimi nuk duhet të jetë kurrë larg. Në Shqipëri, hapësirat e gjelbra ende janë afër dhe lehtësisht të aksesueshme.
Sillni natyrën në dritaren tuaj
Për ata që nuk mund të dalin jashtë, mund të rrisin dhe të mbajnë bimë në një dritare.
