Sistemi finlandez i shkollimit i vlerëson të gjithë nxënësit të barabartë pa marrë parasysh inteligjencën e tyre.
Sipas një studimi të kryer nga zyra finlandeze për vlerësimin e kualitetit të shkollimit, del se mësuesit finlandezë kanë meritën kryesore për dallimin e vogël midis nxënësit më të mirë dhe më të dobët në klasat finlandeze.
Ky sistem shkollimi i cili po merret si model në shumë vende të botës është duke u përshtatur në shumë vende europiane.
Me kuadër mësuesish dhe profesorësh nga më të mirët në botë, të edukuar ekskluzivisht për mësimdhënie, qeverisë finlandeze i lehtësohet shumë puna duke ju deleguar vendimmarrëse për ndryshime dhe adaptime në kurrikula mësuesve.
Kjo e bën mësuesin finlandez fleksibil dhe të përshtatshëm varësisht nga nxënësit qe ka në klasë.
Për më tepër ky sistem ka shkuar aq larg saqë vlerësimin e nxënësve në lëndën e matematikës e bën edhe pa teste apo detyra, por me aktivitete në ambient të hapur të cilat janë atraktive dhe shumë relaksuese për nxënësin.
Përveç mësuesve, disa nga arsyet pse sistemi finlandez i shkollimit është ndër më të mirët në botë janë:
- Nxënësit finlandez fillojnë shkollën në moshën 7 vjeçare.
- Krahasuar me sistemet e tjera, nxënësit në sistemin finlandez rrallë i nënshtrohen provimeve apo testeve deri sa arrijnë moshën e adoleshencës.
- Të gjithë nxënësit, pavarësisht inteligjencës ndjekin mësimet në të njëjtën klasë.
Përparimi i Finlandës falë sistemit të edukimit është evident sipas raportit të auditimit të World Democracy, që e radhit Finlandën në vendin e dytë më së paku të korruptuar në botë, që do të thotë se paratë e taksave të qytetarëve shpenzohen në mënyrë korrekte në shërbim të një shoqërie me standard kryesisht të barabartë.
Burimi: telegrafi.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
