Për tre ditë, risia, teknologjia dhe idetë novatore, ishin ajri që ndihej në Expocity Albania. Tirana Tech Open 2019, mblodhi qindra aktorë mes sipërmarrësve, inxhinierëve IT, drejtuesve dhe nxënësve të shkollave. 3 ditë me një organizim shumëdimensional, i kombinuar mes panairit dhe forumeve.
Produkte të reja, përvoja dhe frymëzim nga më novatorët, u prezantuan gjatë këtyre tre ditëve.
Një nga hapësirat më interesante të këtij eventi ishte FORUM ZONA, ku u prezantuan histori suksesi e frymëzimi. Gjatë paradites kushtuar edukimit, u prezantuan programe nga Shqipëria e Kosova që po zhvillohen në arsimin publik dhe atë privat, si dhe përvoja ndërkombëtare në edukimin dhe jetën e shëndetshme.
Henry Leerentveld, Drejtor për Europën Lindore në Swisscontact, prezantoi impaktin e projektit “Aftësi për Punë” në disa prej shkollave të mesme profesionale në Shqipëri. Ai theksoi se është e rëndësishme që ekspertë të fushës të mblidhen së bashku të flasin për inteligjencën artificiale dhe robotikën. Është e rëndësishme ndërkohë që Shqipëria të përgatitet për pasojat e saj dhe të krijojë më shumë vende punë.
Lexo: AllWeb Albania ka një ofertë speciale për të gjithë studentët. Përfito biletën me një çmim prej 35€
Alejtin Berisha, sipërmarrës në fushën e arsimit, prezantoi Konta, shkollën–qytet, ku mësimet merren në formë praktike në një qytet, një format i frymëzuar nga modeli i shkollës finlandeze.
Për prespektivat e edukimit foli Alan Greenberg, themelues i kompanisë “Education and Healthcare Tech”. Për një periudhë ai ka qenë pjesë e ekipit të Apple. Sipas tij, teknologjia ka një hapësirë të gjerë veprimi, si në gjeografi edhe në fushat ku mund të aplikohet. Ndaj, të rinjtë shqiptarë, duhet të mendojnë për treg përtej Shqipërisë. Mes folësve motivues ishte Lara Menke, bashkëthemeluese e CAIA. Ajo po lobon për udhëheqëset femra dhe startup-et.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
