Përparim në përpjekjet për gjetjen e një trajtimi për Covid-19 - Business Magazine Albania

Përparim në përpjekjet për gjetjen e një trajtimi për Covid-19

Shkencëtarët në të gjithë botën janë në kërkim të një vaksine që i mbron njerëzit nga koronavirusi. Të tjerët po punojnë në gjetjen e një trajtimi për virusin derisa të jetë në dispozicion një vaksinë. Korrespondentja e Zërit të Amerikës, Carol Pearson njofton se studiuesit në Suedi janë optimistë për punën e tyre për një trajtim që mund të ngadalësojë përparimin e sëmundjes, të lehtësojë simptomat dhe të shpëtojë jetë.

Tyson mund të bëhet lama më e famshme në botë. Studiuesit e Institutit Karolinska në Stokholm e kanë imunizuar atë me proteina të koronavirusit dhe antitrupa të izoluar të vegjël, të njohur si nanotrupa, në gjakun e tij. Antitrupat janë proteina që prodhohen nga sistemi imunitar i njeriut kur ai ndjen se trupi është infektuar me një virus ose një organ tjetër të huaj. Proteinat pastaj përpiqen ta vrasin atë.

Nanotrupat janë shumë më të vegjël sesa antitrupat që prodhojnë njerëzit. Nanotrupat ngjiten në të njëjtën pjesë të virusit, ku ngjiten edhe antitrupat e njeriut. Gerald McInerney është një nga shkencëtarët që po punon në këtë projekt. “Këto janë antitrupat që kemi marrë nga qelizat e gjakut të lamës, dhe ne mund të shohim se ato janë të ngjitura në sipërfaqe, saktësisht në pikën që proteina virale duhet të futet në qeliza. Dhe kështu kjo na jep një kuptim strukturor se si funksionojnë këto antitrupa për të ndalur infeksionin”, thotë ai.

McInerney thotë se rezultatet do të publikohen brenda disa muajve. Kjo përpjekje mund të çojë në prodhimin e një ilaçi që mund të ndihmojë në uljen e sasisë së virusit në gjakun e një pacienti ndërsa sistemi imunitar zhvillon përgjigjen e tij ndaj infeksionit. “Të gjitha provat sugjerojnë se do të funksiononte shumë mirë te njerëzit, por është një sistem shumë i ndërlikuar, kështu që ne mezi presim që t’i fillojmë ato eksperimente”, thotë zoti McInerney.

Mund të duhen vite për prodhimin e një vaksine, për këtë arsye shkencëtarët në Institutin Karolinska janë përqëndruar në gjetjen e një mënyre për trajtimin e koronavirusit. Kjo do të ndihmonte në ndalimin e pandemisë ndërsa vazhdojnë përpjekjet për prodhimin e një vaksine që ofron imunitet afatgjatë.

VOA

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0