SWOT, misioni ndërkombëtar për ujërat sipërfaqësore dhe topografinë e oqeanit, u ngrit të premten përmes raketës SpaceX Falcon 9 nga Baza e Forcave Hapësinore Vandenberg në Kaliforni. Faza e parë e raketës u përmbyll me sukses me rikthimin në Tokë pas pak minutash.
Misioni, pjesë punës së përbashkët të NASA-s dhe agjencisë hapësinore franceze “Center National d’Études Spatiales”, synon të vrojtojë ujin në mbi 90% të sipërfaqes dhe do të masë lartësinë e ujërave të ëmla dhe oqeaneve.
Matjet e SWOT synojnë të tregojnë se si oqeanet ndikojnë në ndryshimin e klimës, dhe se si ngrohja globale ndikon liqenet, lumenjtë dhe rezervuarët. Të dhënat e satelitit mund të ndihmojnë gjithashtu komunitetet të përgatiten më mirë për përmbytjet dhe fatkeqësitë e tjera të lidhura me ujin, të cilat po rriten për shkak të krizës klimatike.
Studimi mund t’i ndihmojë edhe për të siguruar të dhëna mbi fondin global të ujit, burimet kryesore, mënyrën se si këto burime po ndryshojnë dhe ndikimet që do të kenë në mjedise të ndryshme.
Lexo: Menaxhimi i kohës mund të jetë më shumë një problem, sesa një zgjidhje!
Uji është kritik për mbijetesën e jetës në Tokë, por njëkohësisht formon motin dhe klimën, ndërsa ruan dhe lëviz karbonin dhe nxehtësinë e bllokuar në atmosferë nga emetimet e gazrave serrë.
Hulumtues i NASA-s Benjamin Hamlington, tha se, “Ne do të jemi në gjendje të shohim gjëra që thjesht nuk mund t’i shihnim më parë”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
