Evropa Qendrore përjetoi përmbytjet e saj më të mëdha në dekada, të cilat pritet të kushtojnë miliarda humbje ekonomike.
Këto humbje ekonomike janë tepër të konsiderueshme. Vlerësimet e para tregojnë se vetëm kostoja e përmbytjeve aktuale mund të kalojë një miliard euro, por kostot e sakta ende nuk janë përmbledhur. Një vlerësim sugjeron se fatura mund të variojë nga disa qindra milionë euro në më shumë se një miliard euro.
Mario De Cicco, nënkryetar i vlerësimeve globale të sigurimeve dhe pensioneve në Morningstar DBRS, tha se: “Bazuar në informacionet më të fundit në dispozicion, humbjet më të larta të siguruara mund të ndodhin në Republikën Çeke, një nga vendet më të prekura nga ngjarjet e pafavorshme të motit të fundit”, duke shtuar se sigurimi për fatkeqësitë natyrore është më i përhapur në këtë vend se në vendet e tjera të prekura.
Si preken vendet?
Në Evropë, përmbytjet janë tashmë rreziku natyror më i kushtueshëm, sipas konsulentit Mjedisor në Mbretërinë e Bashkuar JBA Risk Management. Vetëm përmbytja e lumenjve kushton 7.8 miliardë euro çdo vit dhe pritet të rritet, pasi ekonomitë vazhdojnë të rriten në zonat me rrezik të lartë nga përmbytjet dhe ndryshimi i klimës çon në reshje më të mëdha dhe më intensive. Këtë herë, përmbytjet kanë përfshirë pjesë të Austrisë, Republikës Çeke, Polonisë, Rumanisë, Sllovakinë dhe Hungarinë. Sipas Grzegorz Dróżdż, analist i tregut në Conotoxia Invest, në përgjithësi, dëmtimi i infrastrukturës, ndërtesave dhe pronës dhe rritja e shpenzimeve për shpëtim dhe ndihma mund të shkaktojë gjithashtu një ulje të prodhimit dhe aktivitetit ekonomik.
Lexo edhe: Sipërmarrësi turk Kenan Sevinç: Shqipëria ka ecur me shpejtësi vitet e fundit
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English