Disa nga këto shërbime u lejojnë klientëve të ngasin devetë nëpër shkretëtirën marokene, kajakun dhe biçikletën në luginën e lumit Mekong në Vietnam ose të eksplorojnë jetën e një kauboji në perëndimin amerikan.
“Që kur lançuam më shumë se 11 vjet më parë, Airbnb ka ofruar një alternativë të re për udhëtimin, duke plotësuar një kërkesë për nevojat lokale të udhëtarëve,” tha Airbnb në një njoftim për shtyp.
“Sot ne shkojmë një hap më tej, me organizatorë që ofrojnë eksperienca unike të udhëtimit si Airbnb Adventures, në të cilat përfshihen për herë të parë strehimi, ushqimi dhe aktivitetet e ndryshme”.
Ky veprim është një hap i mëtejshëm në evolucionin e Airbnb, i nisur si një shërbim i thjeshtë për ndarjen e shtëpive. Por tani përfshin qëndrime hotelesh, turne, restorante dhe shumë më tepër. Vlera e kompanisë mendohet se arrin shifrën 35 miliardë dollarë.
Disa nga këto aventura përfshijnë kamping në borë për një natë në një banesë eskimeze afër Liqenit Elfin të Kanadasë, një qëndrim në fermë në fshatin Amish të Indisë, një udhëtim kulinar me kajak në Ishujt Suedezë dhe një udhëtim në xhunglën Amazon ose ndjekjen e luanëve në këmbë me luftëtarët Samburu në Kenia.
“Shtrirja e Airbnb Adventures arrin përtej sfidës për t’ju përshtatur çdo niveli të pasionit dhe aftësisë së njerëzve”, tha Airbnb.
“Ato organizohen nga vendasit me eksperiencë që kanë histori interesante për të treguar. Dhe për shkak se ato gjithmonë zhvillohen në grupe të vogla, të ftuarit mund të mësojnë gjëra të reja, të krijojnë lidhje personale, të kërkojnë sfida dhe të zhvillojnë personalitetin e tyre”.
Airbnb tha gjithashtu se do të organizojë një turne “Rreth botës në 80 ditë” në shtator, të frymëzuar nga romani i Zhyl Verne, ku përfshihet edhe një udhëtim me balonë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
