Vendi po përballet me një rritje të theksuar çmimesh, ndikuar nga faktorë të brendshëm dhe të jashtë. Ndërsa nafta ka mbërritur në gati 200 lekë për një litër prej javësh tashmë, lëndët e para të importit janë rritur prej vjeshtës së vitit të kaluar. Ato kanë shkaktuar një efekt zinxhir në çmime edhe për prodhime të tilla si mobilje dhe të gjitha produktet e përpunuara.
Për një faktor tërësisht lokal, në këtë periudhë edhe çmimet e perimeve janë rritur ndjeshëm. Temperaturat e ulëta që kanë përfshirë vendin javët e fundit kanë dëmtuar prodhimet e dimrit.
Tregtarët thonë se çmimet e prodhimeve, si lakër, sallatë janë shtrenjtuar në mënyrë të vazhdueshme, për shkak të uljes së ofertës në treg.
Në tregun me pakicë çmimi i sallatës ka mbërritur në 250 lekë/kg, ndërsa lakra luhatet mes 70-80 lekë/kg dhe spinaçi është 160-200 lekë/kg. Këto çmime janë 40-60% më të larta se vetëm një muaj më parë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
