Përfundon konkursi “Hajde n’Shqipni”, do të ndahen 6 çmime për fituesit

Përfundon konkursi “Hajde n’Shqipni”, do të ndahen 6 çmime për fituesit

“Hajde n’Shqipni”
~2 minuta lexim

Gjatë kësaj vere, shumica prej nesh zgjodhën si destinacion pushimesh Shqipërinë. Disa prej dëshirës, e disa të tjerë prej kufizimeve për shkak të koronavirusit, thuajse të gjithë iu drejtuam vendit tonë, nga veriu në jug. Për ta lehtësuar përzgjedhjen e destinacioneve, ne tek Businessmag zhvilluam konkursin Hajde n’Shqipni, përmes së cilit promovuam Shqipërinë.

Konkursi ynë filloi më 1 gusht 2020 dhe përfundoi më 10 shtator. Patëm kënaqësinë të ndanim në rrjetet sociale 879 foto&video, me të cilat pjesëmarrësit u bënë pjesë e konkursit. Tashmë ka ardhur momenti që të përzgjedhim fotot dhe videot më të mira, të cilat do të fitojnë 6 çmimet e konkursit.

  • 1 VIT INTERNET FALAS nga ALBtelekom – Videoja që do të vlerësohet profesionalisht nga stafi i Neë Media Communications.
  • “SHPORTA E TOKËS” nga Luga e Argjendtë – Fotoja që do të vlerësohet profesionalisht nga stafi i Neë Media Communications.
  • 1 NATË PËR DY PERSONA nga Agroturizëm Gjepali – Videoja që ka marrë më shumë pëlqime, komente dhe shpërndarje në faqen @businessmag.al
  • 1 NATË PËR DY PERSONA nga Mrizi i Zanave – Fotoja që ka marrë më shumë pëlqime, komente dhe shpërndarje në faqen @businessmag.al
  • 1 NATË PËR DY PERSONA nga Adriatik Hotel – Fotoja e dytë që ka marrë më shumë pëlqime, komente dhe shpërndarje në faqen @businessmag.al
  • 5000 LEKE BLERJE nga Aladini – Fotoja ose videoja që u shpërnda më shumë në story me hashtagun #hajdenshqipni dhe duke bërë tag @businessmag.al

Vlen të përmendet se 321 pjesëmarrësit dërguan foto dhe video nga çdo cep i Shqipërisë, të cilat u shpërndanë mbi 1000 herë nën hashtagun #hajdenshqipni.

Shpallja e fituesve do të bëhet live në mënyrë transparente, në datën 15 shtator, ora 12:00, në faqen zyrtare të @businessmag në Instagram.

BusinessMag fton të gjithë pjesëmarrësit, që u bënë pjesë e konkursit dhe promovuan viset e mrekullueshme të Shqipërisë, të na ndjekin ditën e martë, gjatë shpalljes së fituesve.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Suksesi është përbërja e vogël e përpjekjeve të përsëritura çdo ditë.”
— Robert Collier
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0