Pensionet do të indeksohen me një vlerë prej 3.3% sipas vendimit të fundit të qeverisë. Qeveria ka miratuar paketën e Rezistencës Sociale dhe indeksimin e pensioneve. për të gjithë kategoritë e pensionistëve.
Ministrja e Financave tha për mediat se indeksimi i pensioneve do të jetë 3,3%. Ndërkohë, paketa parashikon subvencioni e naftës në sektorin e transportit dhe për fermerët. Shtresat në nevojë do të kenë një subvencion direkt 3,000 lekë për 3 muaj.
Ministrja tha se, “Me aktin normativ është miratuar indeksimi 3,3% i pensioneve për të gjitha kategoritë., si për pensionet e plotë, të pjesshme, të reduktuara, të invaliditetit, për ndihma të posaçme shtetërore, pensionet e fshatit dhe qytetit. Efekti financiar në buxhetin e shtetit është prej 3,3 mld lekë”.
Parashikimi fillestar për indeksimin e pensioneve ishte 2,4% sa inflacioni mesatar vjetor i vitit të kaluar, por nisur nga rritja e çmimeve për muajin janar dhe shkurt, ministrja tha se u vendos një indkesim prej 3,3%.
Numri i pensionistëve përfitues ështe 576 mijë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
