Paragjykimet janë qesharake dhe kujtesa nuk është gjithmonë e besueshme (thjesht shikoni të dhënat nga dëshmitë okulare).
Por, një gjë që e di me siguri është se kur mendoj sot, pas 13 vitesh si pronare biznesi, nga viti i parë deri në të pestin, mund të them me vendosmëri se isha në një gjendje konstante lodhjeje dhe stresi.
Por nuk e kuptoja.
Mendoja se kjo mënyrë jetese me kulturën e saj “fli kur të vdesësh” ishte e barabartë me të qenurit pronare biznesi, siç prezantohet shpesh në media.
Pas 2 vjedhjeve të mëdha, u gjenda me shpatulla pas murit; Një klient i rëndësishëm u largua (dhe bashkë me të, 70% e të ardhurave tona) kur një ditë, ngrita sytë dhe kuptova se të gjitha arsyet që më çuan në këtë rrugë nuk dukeshin fare në horizont.
Në krye të listës së arsyeve ishin liria dhe fleksibiliteti. Megjithëse nuk prisja që kjo të ndodhte brenda natës, as nuk prisja që të punoja më shumë se një punë me kohë të plotë pa fund, duke lënë pas dore shëndetin tim, marrëdhëniet dhe gjithçka që vlerësoja, për të fituar në fund të fundit më pak para se në punën time të mëparshme.
Lexo: 4 verëra shqiptare mes më të mirave në botë
Prandaj, çfarë bëra? Fillova të kryej eksperimente të vogla për të provuar hipotezat se çfarë ishte e mundur për mua dhe biznesin tim nëse do të çlirohesha nga stresi i bartur. Edhe pse eksperimenti im nuk do të bënte krenar asnjë shkencëtar, ai më solli gjetje të shpejta: Asgjë nuk u shkatërrua kur lëshova kontrollin tim; kur u largova më shpesh nga puna apo kur nuk telefonova menjëherë një klient.
Faktikisht, ndodhi e kundërta. Duke filluar të rinovohesha dhe të lulëzoja, po ashtu ndodhte me biznesin tim. Dhe fillova të mësoj se sa të lidhura pazgjidhshmërisht ishin të dyja.
Mora gjithashtu mjete që më ndihmuan të qëndroja me këmbë në tokë përmes rrjedhave natyrore të jetës dhe biznesit. Mjeti që kishte ndikimin më të madh ishte gjetja e një stili meditimi që më pëlqeu. U bëra në gjendje të isha e pranishëme në trupin tim dhe jashtë tij në të njëjtën kohë, duke marrë një perspektivë në kohë reale mbi reagimet dhe vendimet e mia.
Adrenalina ime ende më falenderon.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
